विराटनगर, साउन ९
पुराना टायरहरु अवैध ढंगले कवाडी मार्फत भारत निकासी हुदा नेपालको एक मात्र टायर आयल उद्योग “गोल्बल बायो इनर्जी” धरासायी बनेको छ । टायर आयल बनाउनको लागी चाहिने कच्चा पदार्थ(पुरानो टायर) नेपालमा आभाव हुदा दिन दिनै टायर आयल उत्पादन घटिरहेको संचालक विनित सिंगानियाले बताएका छन् ।
सिंगानियका अनुसार नेपालमा रहेका पुराना टायरहरु अवैध ढंगले भारत निकासी हुदा स्वदेशी टायर आयल उद्योगलाई कच्चा पदार्थको अभाव भएको छ । तस्करहरुले अवैध तरिकाले (ट्याक्स छलेर) पुरानो टायरहरु भारत पैठारी गर्दा नेपालमा टायर आयल बनाउनको लागी कच्चा पदार्थको अभाव भएको सिंगानियाको गुनासो छ ।
कच्चा पदार्थ आभावको कारण मासिक ३ सय ५० टन टायरको आयल उत्पादन गर्ने क्षमता भएको ग्लोबल बयो इनर्जी उद्योगले हाल २ सय टन टायरको मात्र आयल उत्पादन गर्दै आएको छ । फुल फेजमा मेसिन चलाएर आधा मात्र उत्पादन गर्दा उद्योगलाई ठुलो नोक्सानी भईरहेको संचालक सिंगानियाले बताए ।
नेपालमा उपलब्ध पुराना टायरहरु नेपालकै टायार आयल उद्योगलाई अपुग भईरहेको बेला, पुराना टायरहरु भारत निर्यात गर्न बन्देज लगाउन सिंगानियाले सरकारसमक्ष अग्रह समेत गरेका छन् ।
टायर आयल स्टील तथा अन्य ठुला ठुला उद्योगको मेसिनमा प्रयोग हुने गर्दछ । यसलाई विभिन्न खालका ईन्जीनको फ्युलको रुपमा समेत प्रयोग गर्न सकिन्छ ।
