विराटनगर, माघ १६
तरुण दल मोरङका कोषाध्यक्ष अनिल रिजालको छुद्र व्यवहारलाई लिएर स्थानीय राजनितिक वृतमा चर्चा परिचर्चा शुरु भएको छ । कोषाध्यक्ष रिजाल एक महिला चिकित्सकलाई कुटपिट गरेको आरोपमा सोमवार पक्राउ परेका थिए ।
उनको उक्त हर्कत समाजको लागी घातक भएको र उनलाई पार्टिगत कारवाही अघि बढाउनु पर्ने कांगे्रसभित्रैबाट धरणाहरु आउन थालेका छन् । रिजालको उक्त हर्कतको समाजिक संजालमा पनि व्यापक विरोध भएको छ ।
अनिल रिजाल हाल विराटनगर व्यापार संघका सदस्य पनि हुन् । रिजालको यस हर्कतले विराट व्यापार संघको साखमा पनि दाग लगाएको छ । व्यापारी वृतमा पनि रिजालको रवैया र शैली गतल भएको भन्दै रिजालको विषयमा संघ गम्भीर बन्नु पर्ने धारणा आएका छन् ।
विस्तृत घटना के हो ?
नोबेल मेडिकल कलेजका डाक्टर कुटपिट गरेको आरोपमा तरूण दल मोरङका कोषाध्यक्ष लक्ष्मी प्रसाद रिजाल उर्फ अनिल रिजाल मंगलबार पक्राउ परेका थिए । नोबेल मेडिकल कलेजमा कार्यरत नाक, कान घाटी रोग विशेषज्ञ डा.मिनाक्षी बस्नेतलाई कुटपिट गरेको आरोपमा पक्राउ परेका थिए ।
मोरङको सुन्दरहरैचा नगरपालिकाको गछिया घर भएका ४३ वर्षीय रिजाल विराटनगर बस्दै आएका छन् । रिजाल विराटनगर व्यापार संघको सदस्य पनि हुन् । रिजालले डाक्टर बस्नेतको विराटनगर दुधफारमस्थीत डेरामा गएर बेलुका ८ः३० बजेको समयमा कुटपिट गरेको प्रहरीले जनाएको छ । कुटपिटबाट गम्भिर घाइते बनेकी चिकित्सक बस्नेतको सम्बेदनशिल अंगमा समेत चोटपटक लागेको बताईएको छ ।

रिजाल र बस्नेत पहिलादेखिकै मिल्ने साथी हुन् । रिजालले व्यापारमा लगानी गर्न पैसाँ आवश्यक परेको भन्दै चिकित्सक बस्नेतबाट १० लाख रुपैयाँ लिएको थिए । सापटी दिएको पैसा माग्दा चिकित्सक बस्नेतको कोठामा पुगेर रिजालले कुटपिट गरेको प्रहरीले जनाएको छ ।
तीन महिना अगाडी रिजालले १० लाख रुपैयाँ सापटी लिएर गएपछि समय सीमा पुगेपछि माग्दा नदिएको तर उल्टै कुटपिट गर्न आएको भन्दै पीडित प्रहरीमा पुगेका थिए ।

गत पुस १९ गते रिजालसँग पैसा माग्दा बस्नेतलाई डेरामै पुगेर कुटपिट गरिएको थियो । घटना भएको लामो समय बितिसकेतापनि मित्रताको कारण उजुर नदिएको तर पछिल्लो समय ज्यान नै मार्ने धम्की दिदैं रिजालले दवाव सिर्जना गरेपछि प्रहरीमा उजुरी गर्न बाध्य भएकी बस्नेत बताउछिन् ।
पक्राउ परेका रिजाललाई मोरङ प्रहरीले जिल्ला प्रशासन कार्यालय मोरङमा सोमबार ‘अभद्र व्यवहारको’ मुद्दामा पाँच दिनको म्याद थप गरि अनुसन्धान गर्दैछ ।