विराटनगर, माघ २२
मोरङको उर्लाबारी नगरपालिका–१ लक्ष्मीझारमा जमिनमुनि गाडेको अवस्थामा १८५ राउण्ड गोली फेला परेको छ ।
उक्त गोली एसएलआर राइफलमा प्रयोग हुने ७.६२ एमएम साईजको रहेको प्रहरीले पुष्ठि गरेको छ ।
स्थानीय ५३ वर्षीय भक्तबहादुर सुवेदीले खेत खन्ने क्रममा कालो प्लास्टिकमा गाडेको अवस्थामा गोली फेला परेको मोरङ प्रहरीका प्रवक्ता डीएसपी मानबहादुर राईले बताएका छन् । गोली द्वन्द्वका समयमा माओवादीका कार्यकर्ताले गाडेको हुनसक्ने प्रहरीको अनुमान छ ।