विराटनगर, माघ २३
लायन्स क्लब अफ बेलबारीको नाममा रहेको एम्बुलेन्स संस्थाका पुर्व-अध्यक्षहरुले बेचेर खाएको क्लबका वर्तमान अध्यक्ष खेम प्रसाद गौतमले आरोप लगाएका छन् ।
अध्यक्ष गौतमले आज विराटनगरमा पत्रकार सम्मेलनको आयोजना गरी संस्थाका पुर्व अध्यक्षहरुलाई उक्त आरोप लगाएका हुन् ।
अध्यक्ष गौतमका अनुसार सन २०११मा संस्थाको नाममा खरिद गरिएको को १ च ५७९४ नम्बरको एम्बुलेन्स संस्थाको पुर्वअध्यक्षहरुले बेचेर खाएका हुन् ।
२०७० साल बैशाख ३ गते क्लवका तत्कालिन अध्यक्ष राजकुमार लिम्बु र तत्कालीन लेटाङ गाविस ५ का भक्तबहादुर राईबीच उक्त एम्बुलेन्स किनबेच भएको सम्झौता पत्र समेत सम्मेलनमा अध्यक्ष गौतमले प्रस्तुत गरेका छन् । तर संस्थाको नाममा खरिद भएको उक्त एम्बुलेन्स वैधानिक ढंगले आर्को व्यक्तिको नाममा नामसारी हुन नसक्ने अध्यक्ष गौतमको भनाई छ ।
एम्बुलेन्स बिक्री भएपछि बनेका क्लबका कुनैपनि अध्यक्षले एम्बुलेन्सको खोजी निती नगरेको र पुरानै निर्णयलाई सदर गर्दै आएकाले सबै पुर्व–अध्यक्षहरु उतिकै दोषी भएको अध्यक्ष गौतमको तर्क छ ।

ADVERTISEMENT