विराटनगर, माघ ३०
विराटनगरका फार्मेसीहरुमा औषधी व्यवस्था विभागमा दर्ता नभएको खाद्यपुरक सामग्री (डायटरी सप्लिमेन्ट र न्युट्रासिटिकल्स) औषधीहरु फेला परेको छ । औषधी व्यावस्था विभाग कार्यालय विराटनगरले केही दिन देखी विराटनगरका औषधी पसलहरुमा छापा मार्ने क्रममा उक्त औषधीहरु फेला परेको हो ।
दर्ता नभएका औषधी विराटनगरमा छ्याप–छ्याप्ती पाउन थालेको गुनासो आए पछी विभागले विराटनगरका बिभिन्न फार्मेसीहरुमा अनुगमन गरेको थियो । सोही अनुगमनका क्रममा विराटनगर ९ स्थित युनिटी ड्रग हाउसबाट २९ प्रकारका न्युट्रासिटिकल्स ६ कार्टुन विभागले बरामद गरेको थियो । त्यसैगरी हिमगिरी मेडिकोबाट ३ प्रकारका दुई कार्टुन न्युट्रासिटिकल्स समेत बरामद गरेका थियो ।
त्यस्तै लाइफ फार्मेसी र सिद्धी बिनायक फार्मेशीदेखि पनि विभागले औषधी बरामद गरेको थियो ।
विभागको उक्त कदमलाई लिएर औषधी व्यावसायीहरु आन्देलन उत्रीएका छन । व्यावसायीहरुले विराटनगरको कोशी अस्पतालसम्म पुगेर चर्को नाराबाजी गरेका छन् । आफुहरुले पटक पटक औषधी व्यवस्था विभागमा दर्ता गराउन खोज्दा पनी सो औषधीहरु विभागले दर्ता नगरिदिएको व्यावसायीहरुको गुनासो छ ।
औषधी व्यवस्था विभागमा दर्ता नभएका औषधि बिक्रीवितरण भएको पाइएमा औषधि ऐन २०३५ बमोजिम कारवाहि हुने विभागले जनाएको छ ।
