झापा, श्रावण २७
झापाको विर्तामोड नगरपालिकाको ७, ८ र ९ वडाको संयुक्त कार्यालयमा बम विस्फोट भएको छ । सोमबार विहान साढे चार बजे वडा तीन वटा वडाको संयुक्त कार्यालयमा बम विस्फोट भएको झापाको डिएसपी महेन्द्र कुमार श्रेष्ठले जानकार दिए ।
‘सोमबार विहान साढे चार बजे तीन वटा वडाको संयुक्त कार्यालयमा बम विस्फोट भएको हो,’ डिएसपी श्रेष्ठले भने, ‘सामान्य भौतिक क्षति भएपनि मानवीय क्षति भने भएको छैन ।’ बिहानको समयमा वस्फोट हुदा मानविय क्षति नभएको प्रहरीको भनाई छ ।
विस्फोटबाट कार्यालयका ढोकामा क्षति पुगेको छ । विस्फोट कसले गरायो भन्ने विषयमा अनुसन्धान जारी रहेको डिएसपी श्रेष्ठले बताए । घटनास्थलमा कुनै पर्चा पम्प्लेट फेला छैन् । यद्यपी सरकारले प्रतिवन्ध लगाएको विप्लव समूहले विस्फोट गराएको हुनसक्ने प्रहरीले आशंका गरेको छ।
