०२ आषाढ २०८१, शनिबार
15-06-2024 , Sat

लकडाउन भएकै वर्ष अत्याधिक डिजल विक्रि, कहाँ भयो खपत ?

Logo
प्रकाशित मंगलबार, चैत्र १७, २०७७

विराटनगर, चैत १७
अघिल्लो आर्थिक वर्षमा चार महिना लकडाउन भएता पनि यस अर्थिक वर्षको भन्दा बढी अनुपातमा नेपाल आयल निगम प्रदेशिक कार्यलय विराटनगरबाट डिजल विक्रि वितरण भएको देखिन्छ । सवारीसधान अत्याधिक न्युन संचालन भएको बेला बढी मात्रामा डिजल विक्रि वितरण हुनुले पनि यस समयमा भएको डिजल तस्करीलाई पृष्टी गर्दछ ।

जनचर्चा डटकमलाई प्राप्त भएको तथ्याङ अनुसार गत अर्थिक वर्षमा नेपाल आयल निगम विराटनगरले प्रदेशभरीको पम्पलाई २१ करोड ६३ लाख ७६ हजार ६ सय ५५ लिटर डिजल विक्रि गरेको थियो । जुन औषतमा प्रति महिनाको विक्रि १ करोड ८० लाख ३१ हजार ३ सय ८७ लिटर हुन जान्छ ।

यस आर्थिक वर्षको चैत १५ गतेसम्म निगमले १६ करोड ३६ लाख ७६ हजार ६ सय ५५ लिटर डिजल विक्रि गरेको छ । जुन औषतमा प्रति महिनाको विक्रि १ करोड ७२ लाख २३ हजार ९ सय ६९ लिटर डिजल हुन जान्छ । यसरी तथ्याङ्कलाई तुलना गर्दा लकडाउन भएको वर्ष अन्य वर्षभन्दा बढी तेल खपत भएको पाईन्छ ।

पछिल्लो समय नेपालको पुर्वी नाका हुदै तेल तस्करी हुने क्रम बढ्दै गएको छ । लकडाउनमा पनि बढी डिजल खपत हुनुले नेपालको पुर्वी नाकामा मौलाईरहेको डिजल तस्करीलाई पुष्टि गर्दछ । भर्खरै मात्र सार्वजनिक भएका केहि डिजल तस्करीका घटनाले समेत नेपालको पुर्वी क्षेत्रमा कसरी र कुन मात्रामा डिजल तस्करी भईरहेको छ, त्यो सजिलै अनुमान लगाउन सकिन्छ ।

गत चैत १ गते, तस्करी गरी भारत लैजान लागेको २ हजार ६ सय ६० लिटर डिजल सहित ट्याङकर नेपाल आयाल निगमको प्रदेशिक कार्यालय विराटनगरबाट पक्राउ परेपछि नेपालकाे पुर्वी नाकाबाट हुने तेल तस्करीकाे विषय बाहिर आएकाे थियाे ।
उक्त तस्करीमा संलग्न पम्प र ढुवानीकर्तालाई सरकारी निकायहरुले कारवाहि प्रकृया अगाडी बढाईसकेकाे छ ।

भारत तर्फ जान लागेको को १ ख ५९१२ नम्बरको ट्याङकरमा डिजल लोड भएको अवस्थामा मोरङ प्रहरीले पक्राउ गरेको थियो । उक्त ट्याङकर, ढुवानी व्यवसायी संघका सचिव चरणप्रित सिंहको भएको समेत खुली सकेकाे छ । निगमको बिनियम अनुसार बदमासी गर्ने ढुवानीकर्तालाई ३ देखि ६ महिना निलम्बन र आपूर्ती बन्दसमेत गर्न सक्नेछ ।

सिंहको ट्याङकरले महेशकुमार अग्रवालको मोरङको बुढीगङ्गगा गाउँपालिका–४ निमुवा स्थित नीतेश ट्रेडबाट ट्यांकरमा डिजल भरेको बयान समेत आएको छ ।
पक्राउ परेको ट्यांकर तथा चालक दलका २६ वर्षीय मोहम्मद सजाद र २१ वर्षका इमरोज आलमले प्रहरीलाई दिएको बयान अनुसार उक्त ट्यांकरमा मोरङको बुढीगङ्गगा गाउँपालिका–४ निमुवास्थित नीतेश ट्रेड नामको पम्पले डिजल भरेको थियो । महेशकुमार अग्रवालको उक्त पम्पले प्रतिलिटर २ रुपैयाँ बढी लिएर डिजल भरेको स्रोतको दाबी छ । निगमको बिनियम अनुसार डिजेल तस्करी गर्न सहयोग गर्ने पेट्रोल पम्पलाई १ लाख रुपैयाँ जरिवाना देखि ६ महिनासम्म निलम्बन गर्न सक्ने प्रावधान रहेको छ ।

सिंह भारतमा बसेर तस्करीको सेटीङ मिलाउने गरेको अनुसन्धाबाट खुलेको छ । ट्याङकरबाटै तस्करी भएको पाइएपछि पेट्रोलिय व्यवसायीको समेत संलग्नता हुन सक्ने भन्दै राजस्व अनुसन्धान र मोरङ प्रहरीले अनुसन्धान गरिरहेको छ ।

हाल ट्याङकर धनी सिंह फरार छन् भने तस्करलाई तेल बेच्ने पम्पका संचालक महेशकुमार अग्रवाल काण्डलाई सामसुम पार्नतर्फ लागीरहेका छन् ।
चैत १ गते बरामद भएको इन्धन भारत पुर्याउँदा करिब ६५ हजार रुपैयाँ तस्करीमा लागेका गिरोहलाई फाइदा हुनेथियो ।

उक्त विषयमा खबरदारी जारी रहनेछ : जनचर्चा डट कम

कमेन्ट गर्नुहोस्
सम्बन्धित

काठमाडौं,१६ जेठ  । सरकारले विभिन्न वस्तु तथा सेवाको करका दरमा हेरफेर गर्नुका साथै कतिपय क्षेत्रमा कर सुधारका कार्यक्रमसहित कर छुटका कार्यक्रम खारेज गरेको छ। सङ्घीय संसद्को दुवै सदनको संयुक्त बैठकमा आज अर्थमन्त्री वर्षमान पुनद्वारा प्रस्तुत आर्थिक वर्ष २०८१/०८२ को बजेटमा उद्योगले पैठारी गर्ने कच्चा पदार्थमा लाग्ने महसुल भन्दा तयारी वस्तुको पैठारीमा लाग्ने महसुल कम्तीमा एक […]

काठमाडौँ ,१३ जेठ ।   मुलुकले भुक्तान गर्न बाँकी सार्वजनिक ऋण करिब रु २४ खर्ब रहेको सार्वजनिक ऋण व्यवस्थापन कार्यालयले जनाएको छ। साथै चालु आर्थिक वर्षको १० महिनामा रु ९८ अर्ब ऋण थपिएको छ। यो चालु आवको १० महिनाको भुक्तानी गर्न बाँकी सार्वजनिक ऋण हो। टाउको गन्ती हिसाब गर्दा हरेक नेपालीको भागमा करिब ८० हजार रुपैयाँ […]

विराटनगर, जेठ २ । इलेक्ट्रोनिक्स आईटमका विभिन्न ब्राण्ड बिक्री गर्दै आएको एनबीएससी शोरुमले आफ्नो तेस्रो शाखा संचालनमा ल्याएकाे छ । बुधबार एनबीएससीले विराटनगरकाे मैन रोड सेन्ट्रल मल अगाडि तेस्रो शाखा आपचारिक समउद्घाटन गरेकाे छ। उद्घाटनकाे अवसरमा  जेठ महिनाभरी एनबीएससीले हरेक ब्राण्डका इलेक्ट्रोनिक्स सामानको एक्सचेन्ज अफर समेत राख्ने भएकाे छ ।  एनबीएससीले  शाखा विस्तारकाे अवसरमा आकर्षक […]