विराटनगर , चैत्र १९
नेपाल आयल निगम प्रदेशीक कार्यालय विराटनगरबाट केहि दिन अघि नियन्त्रणमा लिइएको ट्याङकर राजस्व अनुसन्धान कार्यालय इटहरीले प्रारम्भीक अुनुसन्धान गरी सोको रिपोट विभागमा पठाएको छ ।
सो ट्याङकर चैत १ गते, तस्करी गरी भारत लैजान लागेको २ हजार ६ सय ६० लिटर डिजल सहित नेपाल आयल निगम विराटनगरबाट पक्राउ परेको थियो । हालसम्मको अनुसन्धानबाट ट्याङकर धनि पत्ता लगी सकेको छ । तर तस्करीका लागी तेल वितरण गर्ने पम्प धनी भने अझै पनी सर्वजनीक हुन सकेको छैन ।
जनचर्चा डट कम सँग भएको संबादमा राजस्व अनुसन्धान कार्यालय इटहरीका प्रमुख दिपक खड्काले प्रारभिक अनुसन्धानबाट फेलापरेको दसी प्रमाणलाई पछ्याएर तस्कर गर्ने गिरोह पत्ता लगाइने बताए । उक्त अनुसन्धानले तेल तस्करीमा संलग्न रहेको पम्प संचालकको बारेमा पनी तथ्य बहिर ल्याउने खड्काको जिकिर छ ।
उक्त तस्करीमा प्रकाउ परेको ट्यांकर चालक दलका २६ वर्षीय मोहम्मद सजाद र २१ वर्षका इमरोज आलमले प्रहरीलाई दिएको बयान अनुसार उक्त ट्यांकरमा मोरङको बुढीगङ्गगा गाउँपालिका–४ निमुवास्थित नीतेश ट्रेड नामको पम्पले डिजल भरेको थियो ।
सो पम्पका संचालक महेशकुमार अग्रवालले प्रतिलिटर २ रुपैयाँ बढी लिएर डिजल भरेको चालक दलको बयान दिएका थिए । उक्त बयान र स्रोतले दिएको जानकारी अनुसार अग्रवालले च्यानल खडा गरी लामो समयदेखि तेल तस्करी गर्दै आएका पाईएको छ ।
हाल सम्म फेला परेको दषी प्रमाण र चालक दलको बयानले डिजल तस्करीमा महेशकुमार अग्रवालको संलग्नता रहेको देखाएको छ ।
यस विषयमा खबरदारी जारी रहनेछ : जनचर्चा डट कम
