काठमान्डौं, चैत्र १९
अर्थ मन्त्रालयले आगामी आर्थिक वर्ष २०७८/७९ को बजेट निर्माणका लागी मन्त्रालयगत छलफल सुरु गरुेको छ । बजेट निर्माणको बिषयमा अर्थ मन्त्रालयले बिहीबार संस्कृति पर्यटन तथा नागरिक उड्डयन मन्त्रालयसँग छलफल गरेको छ ।
उक्त छलफलमा अर्थमन्त्री विष्णुप्रसाद पौडेलले आगामी वर्षको बजेटका लागि कार्यान्वयन गर्न सक्ने कार्यक्रम मात्र प्रस्ताव गर्न मन्त्रालयलाई आग्रह गरेका छन् । साथै छलफलमा संस्कृति पर्यटन तथा नागरिक उड्डयनमन्त्री भानुभक्त ढकालले कोभिड–१९ बाट पर्यटन क्षेत्र नराम्रोसँग प्रभावित भएकाले त्यसलाई विशेष ध्यान दिन अर्थ मन्त्रालयलाई आग्रह गरेका छन् ।
