विराटनगर,चैत्र २९
निजी तथा आवासीय विद्यालय अर्गनाइजेशन नेपाल प्याब्सनले विद्यालय बन्द हुने समाचार आउन थालेपछि निश्चित विद्यालय मात्र बन्द गर्न सरकारलाई आग्रह गरेको छ । कोभिड–१९ को कारण गतवर्ष चैत ११ गतेदेखि गरिएको बन्दका कारण शिक्षा क्षेत्रमा ठुलो प्रभाब परेकाले विद्यालय बन्द गर्नु मात्र रोकथामको उपाय नभएको सुझाव दिएको हो ।
प्याब्सनले अत्यन्त आवश्यक भएको स्थानका विद्यालयमा वा सम्बन्धित पालिकामा मात्र केहि निश्चित समयका लागि बन्द गर्न आग्रह गरेको छ । अनलाईनबाट पठ्नपाठनमा ५० प्रतिशत क्षेत्र मात्र समेट्न सक्ने भएकाले स्वास्थ्य सावधानीका मापदण्डका साथ विद्यालय सञ्चालन गर्नुपर्नेमा जोड दिएको छ ।
त्यस्तै प्याब्सनले बालबालिकाहरुलाई कोभिड–१९को संक्रमणबाट जोगाउन मास्क र सेनिटाइजरको प्रयोग, सामाजिक दुरीको पालना गर्न समेत अभिभावकहरुलाई अनुरोध गरेको छ ।
