विराटनगर, वैशाख १३
मुलुकका विभिन्न जिल्लाहरुमा लकडाउन गर्ने तयारी अघि बढेको छ । जिल्लामा रहेको जिल्ला कोभिड–१९ संकट व्यवस्थापन केन्द्र (डीसीसीएमसी) मार्फत निर्णय गर्ने गरी प्रमुख जिल्ला अधिकारीलाई निषेधाज्ञाको अधिकार दिन कोभिड–१९ संकट व्यवस्थापन केन्द्र (सीसीएमसी) ले सिफारिस समेत गरिसकेको छ ।
सिफारिस अनुसार शहरी क्षेत्रमा ५ सय संक्रमित नाघे संवन्धित जिल्लाका प्रमुख जिल्ला अधिकारीले निषेधाज्ञा जारी गर्न सक्नेछन् ।
योसँगै काठमाडौं उपत्यकाका तीन प्रमुख जिल्ला अधिकारीले पनि संयुक्त छलफल गरेर निषेधाज्ञा लगाउने तयारी गरिरहेका छन् । तीन प्रमुख जिल्लामा संक्रमणको शंख्यामा ५ सय नाघिसकेको छ ।
स्वास्थ्य मन्त्रालयका अनुसार वैशाख ११ गतेसम्म विभिन्न ९ जिल्लामा सक्रिय संक्रमितको संख्या पाँचसय नाघीसकेको छ । पाँच सय संक्रमण नघेका जिल्लाहरुमा मोरङ, पर्सा, काठमाडौं, भक्तपुर, ललितपुर, कास्की, दाङ, बाँके र रुपन्देहीमा रहेका छन् ।
बाँकेमा सोमबारदेखि एकसातासम्म निषेधाज्ञाको घोषणा गरिएको छ । त्यसैगरी रुपन्देहीमा समेत सोमबारबाटै जोरबिजोर प्रणाली लागु भएको छ ।
मोरङ लागएत अन्य उच्च संक्रमण रहेको जिल्लाहरुमा समेत वैशाख १५ गतेबाट निषेधाज्ञा लागाउने तयारी भईरहेको छ ।
