विराटनगर, वैशाख २१
विराटनगरका ठुला अस्पतालहरुले स्वास्थ्य सुरक्षा समाग्रीको प्रयोगमा हेलचक्राई गरेको पाईएको छ । विषेशगरी अस्पतालमा आउने विरामी कुरुवाहरुले न्युनतमरूपमा प्रयोग गर्नुपर्ने मास्क, सेनिटाईजर, ग्लोब्स र फेल्डशिल्डको प्रयोगमा विराटनगरका अस्पतालहरुले विषेश ध्यान नदिदाँ संक्रमणको संभावना झनै बढ्दै गएको छ ।
विराटनगरका केही अस्तपतालमा बाहेक कुनै पनि निजि अस्पतालहरुमा माक्स बाहेक अन्य स्वास्थ्य सुरक्षा सामाग्रीको प्रयोग अनिवार्य गरिएको छैन । सोही मास्क समेत सहि ढंगले प्रयोग नगरेको विराटनगरका विभिन्न अस्पताल भित्र देख्न सकिन्छ ।
अस्पतालमा संक्रमणको संभावना बढी हुने भएकाले अस्पताल भित्र प्रवेश गर्दा चार स्वास्थ्य सुरक्षा सामग्रीको प्रयोग अनिवार्य गर्नुपर्ने स्वास्थ्य विदहरु सुझाउँछन् ।
पहिलो माक्स : हावाको माध्यमबाट मुख र नाकमा छिर्न सक्ने भाईरसलाई रोक्न पहिलो लेयरमा माक्स लागाउन जरुरी हुने एक्पर्ट बताउँछन् ।
दोस्रो फेशशिल्ड : त्यस्तै दोस्रो लेयरमा प्रयोग हुने फेशशिल्डले संक्रमितको शिरिरबाट तरल रुपमा निश्क्ने सिगान, पशिना वा ह्याचु गर्दा आउने पदार्थबाट जोगिन मद्दत गर्ने विज्ञको बुझाई छ ।फेशशिल्डले हावाबाट आउनसक्ने भाईरसलाई समेत रोक्ने भएकाले यसको प्रयोग अस्पतालहरुमा अनिवार्य गरिनुपर्ने विज्ञको भनाई छ ।
तेस्रो सेनिटाईजर : त्यस्तै हातबाट शरिरमा प्रवेश गर्न सक्ने कोरोना भाईरसलाई हातैमा निश्क्रिय पार्न सेनिटाईजर प्रयोग गर्नुपर्ने उनीहरु बताउँछन् ।
चौथो ग्लोब्स : हातबाट विभिन्न सामानहरु छुईने हुँदा, डाईरेक्ट कन्ट्रायाक्टबाट हुनेसक्ने संक्रमणलाई रोक्न ग्लोब्स प्रयोग गरिनुपर्ने विज्ञको तर्क छ ।
तर विराटनगरका अस्पताहरुमा भने यी चार स्वास्थ्य सुरक्षा सामाग्रीको खासै प्रयोग भएको पाईदैन । अस्पताल हाताभित्र छिटपुटरुप मात्र केही स्वास्थ्यकर्मीहरुले त्यस्ता स्वास्थ्य सुरक्षा समाग्री प्रयोग गरेको पाईन्छ । विरामी तथा विरामी कुरुवाको लागी विराटनगरका अस्पतालमा स्वास्थ्य सुरक्षा सामाग्री अनिवार्य गरिएको छैन । विज्ञहरुले अस्पताल हाताभित्र प्रवेश गर्ने जोकोहीले पनि न्युनतम मास्क, फेशशिल्ड र सेनिटाईजर अनिवार्य प्रयोग गर्नु पर्ने सुझाउँछन् ।
अस्पतालमा विरामी कुरुवा तथा स्वास्थ्यकर्मीहरुले प्रयोग गर्ने स्वास्थ्य सुरक्षा सामाग्रीमा संक्रमणको संभावना अत्याधिक हुने भएकोले अस्पतालमा प्रयोग भएका मास्क, फेशशिल्ड र ग्लोब्सलाई हस्तालभित्रै डिस्पोज गर्दा उचित हुने विज्ञ वताँउछन् । मास्क, फेस शिल्ड र ग्लोब्स जस्ता स्वास्थ्य सुरक्षाको समाग्रीहरु एक ठाँउमा प्रयोग गरेपछि सकेसम्म आर्को ठाँउमा प्रयोग नगर्न विद सुझाँउछन् ।
