काठमाडौं, श्रावण ३०
कार्यक्रम प्रस्तोत रवि लामिछाने पक्राउ परेका छन् । नुवाकोटका पत्रकार शालिकराम पुडासैनीको आत्महत्याको विषयमा सोधपुछका लागि भन्दै लामिछानेलाई प्रहरीले पक्राउ गरेको हो । लामिछानेलाई पानीपोखरीमा रहेको टेलिभिजन कार्यालयबाटै पक्राउ गरिएको महानगरीय प्रहरी परिसरले जनाएको छ ।
उनीसँग युवराज कँडेल र अस्मिता कार्कीलाइ पनि पक्राउ परेको प्रहरीले जनाएको छ । चितवन प्रहरीले काठमाडौं प्रहरीसँग समन्वय गरी उनीहरुलाई पक्राउ गरेको जनाएको छ ।
पत्रकार शालिकराम पुडासैनीले आत्महत्या गर्नुअघि रवि लामिछानेसहितका तीनजनाको नाम उल्लेख गर्दै मर्न बाध्य बनाएको भिडियो सार्वजनिक भएपछि सोधपुछका लागि भन्दै उनीहरुलाई प्रहरीले पक्राउ गरेको हो ।