विराटनगर, असोज १४
निरज बस्नेत
विराटनगर हाटखोलामा जारी विराट महोत्सवमा शनिवार चर्चित गायिका मेलिना राईको प्रस्तुती रहने कुराको जानकारी प्रमुख व्यवस्थापक नारायण अधिकारीले दिएका छन् । मेलिना राईका साथमा भोली विराटनगरका दर्शक झुम्मिने अधिकारी बताउँछन् ।
भोलिको सांगितिक माहौललाई आफ्नो सुमधुर गाना मार्फत मेलिनाले विराटनगरवासीलाई भरपूर मनोरन्जन दिने ग्यारेण्टी विराट राजवशी प्रगतिशिल विकाश समाज समितिका अध्यक्ष किरण राजवंशीको दावी छ । पछिल्लो पुस्ताकी लोकप्रिय गायिका मेलिनाले नेपाली चलचित्र लगायत अन्य थुप्रै मेलोडी गानाहरु मार्फत नेपालीजनलाई पूरापूर ईन्टरटेनमेन्ट दिएकी छिन् ।
यहाँ विराट महोत्सवमा मेलिना आउने कुराले सवैलाई उत्साह थपिदिएको छ । यही सेरोफेरोमा भोलीको विराट महोत्सव थप रमाईलो बन्नेछ । यसका अलावा, स्थानीय कलाकारहरुको बेजोड प्रस्तुती हुनेनैछ । १० असोज घटस्थापना देखि शुरु विराट महोत्सव २१ असोजसम्म चल्नेछ । महोत्सवमा रोटे पिङ, ड्राइगन रेल, कोलम्वस नाउँ, अन्य खेल सामग्री लगायतको मज्जा बेग्लै छदैछ । स्वाद पारखीकाका लागि, मिठा–मिठा परिकार सहितको खानाको स्टल समेत रहेका छन्
