विराटनगर, असोज २६
निरज बस्नेत
विराटनगरका सुपरिचित अनुहार, राजकुमार यादवको उम्मेदवारी मोरङ – ५ बाट परेको छ । यादव जनता समाजवादी पार्टी मोरङका अध्यक्ष समेत हुन् । जसपाले मोरङमा प्रमुख प्रतिपक्षी दल एमालेसँग चुनावी तालमेल गरेको हो ।
६ वटा निर्वाचन क्षेत्र रहेको मोरङमा जसपाले केन्द्रमा एक र प्रदेशमा दुईवटा सिटमा एमालेसँग सहकार्य गरेको छ । यादवको मुख्य प्रष्तिपर्धीको रुपमा सत्ता गठबन्धनका उम्मेदवार माओवादी केन्द्रका शिवकुमार मण्डल रहेका छन् । मण्डल यसअघिका पनि निर्वाचित जनप्रतिनिधि हुन् ।
यो चुनावमा जसपाका यादव विजयी हुने दरो आधार खडा भईरहेको आम ५ नं. क्षेत्रका मतदाता दावी गर्छन् । विगतमा ५ वर्ष सांसद भई मन्त्री सम्म बन्दा मण्डलले खासै देखिनेगरी काम नगरेकै कारण यस ५ नं. क्षेत्रका जनता रुष्ट प्रायः छन् । जसपा पनि सत्ता गठबन्धनकै एक महत्वपूर्ण घटक रहदै आएकोमा अन्तिम समयमा आएर गठबन्धनबाट बाहिरिएको हो । फलस्वरुप एमालेसँग महत्वपूर्ण चुनावी तालमेल भएको हो ।
मोरङमा रहेर लामो समयदेखि नेपाली राजनीतिको अग्रभागमा रहेर जेलनेल भोग्दै सकारात्मक परिवर्तवनका लागि जसपाका यादवको भूमिका अतूलनिय रहेको पाईन्छ । सवैमाझ लोकप्रिय छवि बनाएका यादवले नै अन्ततः मोरङ – ५ मा प्रतिनिधि सभाका लागि चुनाव जित्ने अड्कल काटिदैछ ।
