विराटनगर, कार्तिक ३
निरज बस्नेत
प्रधानमन्त्री तथा कांग्रेस सभापति शेर बहादुर देउवा कार्तिक ५ गते शनिवार विराटनगर आउँदैछन् । देउवाका साथमा माओवादी केन्द्रका अध्यक्ष पुष्पकमल दाहाल प्रचण्ड पनि सँगै आउँदैछन् । यसका लागि कांग्रेस केन्द्रिय सदस्य डा. शेखर कोईराला  बुधवार काठमाडौं प्रस्थान गरिसकेका छन् ।

विराटनगरस्थित मनास्लु होटलमा कार्यक्रम निर्धारित समयमा हुने जानकारी नेपाली कांग्रेस मोरङले जनाएको छ । गठबन्धनका मुख्य दुई घटक पार्टी, कांग्रेस–माओवादी केन्द्रमा कुनै मनमुटाव छैन । हामी मिलेर नै चुनावमा जाँदैछौ, यही म्यासेज आम मतदातामा जाओस्, भँन्ने उद्देश्यका साथमा कार्यक्रम गर्न लागिएको माओवादी केन्द्र मोरङले बताएको छ ।

ADVERTISEMENT

त्यस्तैगरी कांग्रेसभित्र सवै एक छन् । गुट–उपगुट समाप्त भईसकेको छ । यही, यस्ता भ्रम चिर्नको लागि समेत पर्सिको कार्यक्रम आयोजना हुदैछ । जसका लागि सवै तारतम्य मिलाउन शेखर यतिवेला काठमाडौंमा छन् । ५ सय बढी आगन्तुकलाई कार्यक्रममा निम्तो दिईएको छ ।

यस कार्यक्रममा मोरङलाई केन्द्रविन्ँदू बनाई राजनीति गर्दे आएका देउवा–कोईराला समूहका प्रायः सवै नेता उपस्थित हुने कांग्रेस स्रोत दावी गर्छ । यता माओवादी केन्द्रका मोरङका अधिकांश नेताहरु समेत आउने कार्यक्रम रहेको छ ।