विराटनगर, कार्तिक ४
निरज बस्नेत
धनकुटाको मुगामा जन्मिएका रेवत बहादुर थापाको उम्मेदवारी मोरङ–५ बाट परेको छ । राष्ट्रिय प्रजातन्त्र पार्टीका कर्मठ जुझारु नेता थापाको प्रतिनिधि सभामा उम्मेदवारी पर्नु लाई मोरङ–५ का मतदाताले उत्सवको रुपमा लिएका छन् ।
कांग्रेस, एमाले, माओवादी, लगायत धेरै पार्टीलाई धेरै पटक हेरियो र चिनियो । तर, व्यवहारमा जति पटक जितेर गएतापनि कसैले मुलुकलाई माया गरेनन् । यसपटक थापालाई जिताएमा स्वच्छ भावनाले हाम्रै लागि काम गर्छन् भन्ने आम मतदाताको स्पष्ट बुझाई रहेको देखिन्छ ।
विराटनगरलाई कर्मथलो बनाई मोरङका जनताकै पक्षमा सदासर्वदा मरिमेट्ने दूरदृष्टि भएका थापा सवैमाझ चिरपरिचित अनुहार हुन् । थापाको विराटनगरमा आफ्नै एक्लो लगानी रहेको चारतारे रत्ना होटल बसपार्कमा छ । मलाया रोडमा सँस्थम कलेज पनि थापाकै हो । जहाँ होटल म्यानेजमेन्ट कोर्ष पढाई हुन्छ । बर्षेनी ३ सय जनाको कोटामा गुणस्तरीय शिक्षामा यो कलेज अव्वल मानिन्छ । यस कलेजमा केही विधार्थीको लागि छात्रवृत्तीको समेत प्रबन्ध थापाले मिलाएका छन् ।
धनकुटा हिलेमा रहेको होराईजन नामको होटलका संचालक थापा नै हुन् । थापा आफ्नै बलबुताले सक्षम भएका व्यक्तित्व हुन् । यिनलाई दुई पैसा कमाउधन्दामा लाग्नु छैन । यो पालिको चुनावमा विजयी भएको खण्डमा यिनले एक पैसा पनि राज्यको नखाने उद्घोष गरेका छन् । यही दरो दृढ संकल्प पनि यिनको विजयको ढोका खुल्ने आधार बन्न सक्छ ।
थापाले धनकुटा मुगामा ७ सय रोपनी जग्गामा कृषिको उत्थानको लागि कफि एभोकाडो लगाई कृषि पर्यटनलाई उजागर गरेका छन् । राजसंस्था सहितको प्रजातन्त्र एवं हिन्दू राष्ट्र सहितको मुलुक मुख्य एजेण्डा राप्रपाको रहेको छ । भ्रष्टाचार गर्नु भनेको आमाको रगत खानु बराबर हो । यही राष्ट्रिय स्लोगनलाई आत्मसात् गर्दे जनताको तहमा पुगेर देखिनेगरी काम गर्ने थापाको मुख्य योजनामा पर्छ ।
थापाको शिक्षा विराटनगरको जनता, सरस्वती हुदै काठमाण्डौं त्रिचन्द्रमा पुगेर टुगिंयो । तत्पश्चात् नेपाल प्रहरीको जागिर लामो समयसम्म खाएँ । यसक्रममा एस.एस. पि. सम्म भएँ । आम नागरिकको हकमा दत्तचित्त भई अनवरतरुपमा आजसम्म यिनको सेवा प्रसंसनीय छ ।
