विराटनगर, कार्तिक ६
निरज बस्नेत
मोरङ–६ बाट सत्ता गठबन्धनका साझा उम्मेदवारको रुपमा नेपाली कांग्रेसका प्रभावशाली नेता डा. शेखर कोईराला चुनावी मैदानमा छन् । एमालेका लालवावु पण्डित लगातार दोस्रो पटक चुनाव जित्ने दाउँमा छन् । कोईराला एवं पण्डित दुवै हेविवेट नेताका रुपमा चिनिन्छन् । तर, दुई हेविवेटलाई काउन्टर दिन राप्रपाका गोपाल क्षेत्री कटुवाल तयार सहित चुनावी दौंडमा एककदम अगाडी देखिन्छन् ।
कटुवालको उम्मेदवारीले हेविवेटद्दयलाई यसपाली प्रतिनिधि सभाको चुनाव जित्नु फलामको च्यूरा चपाउनुसरी हुने यस भेगका आम मतदाता बताउँछन् । विगतमा दुवै हेविवेटद्दयले दुई–दुई पटक चुनाव जिते, तर जनताको तहमा महसुस हुने कुनैपनि काम नगरेको आम बुझाई रहेको पाईन्छ ।
दुवैको पार्टी कांग्रेस–एमालेमा भित्रभित्रै पदकोलागि मात्र सधैभरि भाँडभैलो भएको मात्र देखिएको सवैका सामु छर्लङै देखिएको छदैंछ । आम मतदातामा कोईराला र पण्डितप्रति रत्तिभर विश्वास नदेखिएको धेरै मतदाता बताउँछन् । यसपाली मुलुकभरका जनताले परिवर्तन जरुरी देखेका छन् । जुन कुरा पछिल्लो स्थानीय चुनावमा समेत देखिएकै थियो ।
यसको प्रत्यक्ष प्रभाव मोरङ–६ मा समेत देखिएको कुरा जगजाहेर नैं छ । अर्कोतर्फ हमेशा पूरानै अनुहारबाट आम मतदाता आजित भएका छन् । यो पाली नयाँ, फ्रेस अनुहार खाजेको देखिन्छ । जसको राम्रो फाईदा एवं सुनौलो मौका कटुवालले पक्कै पनि उँठाउन सक्छन् ।
