०५ आषाढ २०८१, मंगलबार
18-06-2024 , Tue

मोरङमा राप्रपाले ठूला भनिएका दललाई काउन्टर दिदैं

Logo
प्रकाशित मंगलबार, कार्तिक १५, २०७९

 

 

विराटनगर, कार्तिक १५
निरज बस्नेत
मोरङमा जम्मा ६ निर्वाचन क्षेत्र छन् । यसमध्ये राष्ट्रिय प्रजातन्त्र पार्टीले ३ वटा निर्वाचन क्षेत्रमा चुनाव जित्ने यसैं भेगका मतदाताको दावी छ । मोरङ–६ लाई सर्वाधिक चासोको रुपमा चित्रण गरिदैं छ ।

मूलतः ६ नं. निर्वाचन क्षेत्रमा नेपाली कांग्रेसका प्रभावशाली नेता डा. शेखर कोईराला यसै क्षेत्र बाट चुनावी मैदानमा होमिएका छन् । विगतमा एमालेका लालवावु पण्डितसँग हारेको बदला लिनको लागि कोईराला घाईते बाघ झैं गर्जिने तीव्र संभावना देखिदैंछ । तरपनि कोईरालालाई सोचेजतिको सजिलो नहुने उनकै पार्टी संस्थापन खेमाको दावी छ । कोईरालाले मोरङबाट प्रतिनिधि सभामा चुनाव जितेमा देउवालाई राजनीति गर्न झन् मुस्किल पर्ने देखिन्छ । यही कारण पनि हुनसक्छ , मोरङमा रहेका संस्थापन भनिएका कांग्रेसी नेताबाट कोईरालालाई भित्रभित्रै हराउने खेल हुन सक्दछ । यी यस्ता कारणले कोईरालालाई चुनाव जित्नु फलामको चिउरा चपाउनुसरी हुने छाँटकाँट देखिन्छ ।

यता एमालेबाट चुनावी मैदानमा उत्रेका लालवावुले ७४ को चुनावमा जिती ५ बर्ष सांसद भई र २१ महिना मन्त्री भएर जनताको तहमा पुगेर देखिने केही काम नै नगरेका कारणले जनता आजित भईसकेका छन् । यसको सोझो अर्थ लाग्छ, राप्रपाका उम्मेदवार गोपाल क्षेत्री कटुवालले मोरङ–६ बाट यो पालीको प्रतिनिधि सभाको चुनाव जित्ने त कतैं होईनन् यस्तैं गाईगुई मोरङ–६ मा चल्दैछ ।

मोरङ–५ मा सत्ता गठबन्धनबाट साझा उम्मेदवार माओवादी केन्द्रका शिवकुमार मण्डल, एमालेको सहकार्यमा जनता समाजवादी पार्टीका उम्मेदवार राजकुमार यादव चुनावी प्रतिष्पर्धामा छन् । दुवैलाई काउन्टर दिदै छन् , राप्रपाका उम्मेदवार रेवत बहादुर थापाले । मण्डलले मोरङ–५ मा ७४ को चुनावमा जिति ५ बर्ष सांसद भएर तापनि आम जनताको मन जित्ने गतिलो काम एउटा पनि गरेनन् । अझ मन्त्री भएर आफ्नै मात्र सेवा गरे । आसेपासेकाको जीवनस्तर राम्रो बनाएँ । यथार्थतामा मण्डललाई मोरङ–५ का जनताले गम्भिर रुपमा मूल्यांकन गरिरहेका छन् ।

राजकुमार यादव विल्कुलै नयाँ अनुहार हुन् । विराटनगरका लागि नौलो नहोला तर, मोरङ–५ का लागि खासै चिनिएका पात्र भने होईनन् । अझ, सत्ता गठबन्धनबाट बाहिरिएपछि जसपाको हालत घर न घाटको भएको आम बुझाई छ । यसको सिधै अर्थमा फाईदा राप्रपाका मोरङ–५ का उम्मेदवार रेवत बहादुर थापालाई जान पनि सक्दछ । यही चर्चा बग्रेल्ती चलिरहेको छ ।

मोरङ–४ बाट सत्ता गठबन्धनका साझा उम्मेदवार माओवादी केन्द्रका अमनलाल मोदी अनि एमालेबाट विनोद ढकाल र राप्रपाबाट रवि रिजाल चुनावी दौंडमा सामेल छन् । मोदी गएको ७४ को चुनावका विजेता हुन् । यिनले कांग्रेसका प्रभावशाली मानिएका नेता महेश आचार्यलाई हराई त्योबेला तहल्का पिटेका थिएँ ।

यता अहिलेसम्म कुनैपनि चुनाव नजितेका एमालेका विनोद ढकाल लाई त खासै मतदाताले चासोपूर्वक हेरेका छैनन् । मोदी को हकमा केही हदसम्म सकारात्मक सिन्ट्रोम देखा परे तापनि त्यो पर्याप्त नभएको यसै भेगका मतदाता हाक्काहाक्की बताउँछन् । मतलव, निशानामा राप्रापाका उधमी युवा नेता रिजाल पो हावी हुन सक्छन् की भनी मोरङ–४ मा सुनिदैछ ।

पासा आफूतिर पलटाउन राप्रपाका कटुवाल, थापा एवं रिजाल तम्मतयार भएर मंसीर–४ को प्रतीक्षामा रहेको देखिन्छ । तरपनि चुनाव हो, यो पनि एक खेल मैदान हो । खेलाडीहरु सवै आफै नै जित्ने हिसाबले चुनावी मैंदानमा हुन्छन् । जसको लागि मंसीर ४ लाई जो कोही ले कुर्ने पर्ने हुन्छ ।

कमेन्ट गर्नुहोस्
सम्बन्धित

 असार ३, काठमाडौं । मुस्लिम धर्मावलम्बीको दोस्रो महान् पर्व बकर इद (इदुल जोहा) आज देशभरका मस्जिदमा मनाइँदै छ । इदुल फित्र अर्थात् रमजान पर्वको ७०औँ दिनमा बकर इद मनाउने गरिन्छ । मुस्लिम धर्मावलम्बीले आज नजिकैको मस्जिदमा गई सामूहिक नमाज पढ्छन् । नमाज पढिसकेपछि एकापसमा शुभकामना आदानप्रदान गर्ने चलन पनि छ । यस पर्वका अवसरमा मक्का […]

विराटनगर,असार १ । नेपाल लोकतन्त्रवादी आदिवासी जनजाति महासंघ मोरङ क्षेत्र नं. ४ को प्रथम अधिवेशन सुरु भएको छ । ग्रामथान गाउँपालिका स्थित नेताचोकमा भएको उक्त कार्यक्रमको उद्घाटन नेपाली कांग्रेसका केन्द्रीय सदस्य भीम पराजुलीले गरेका छन् । कार्यक्रममा बोल्दै पराजुलीले आदिवासी, जनजातिको सर्वाङ्गीण विकासबाट मात्रै देशको समृद्धि सम्भव हुने बताए । आदिवासी, जनजातिहरुको पहिचान गर्ने र उनीहरुको […]

झापा, असार १ । पर्याबरण संरक्षणको सन्देश प्रवाह गर्दै विश्व पैदाल यात्रामा निस्किएका रोहन अग्रवालले नेपालका ७३ वटा जिल्लाको भ्रमण पूरा गरेका छन् ।  भारतको महाराष्ट्रस्थित नागपूराका २२ वर्षीय रोहनले पर्यावरण संरक्षणका लागि सचेतना जगाउँदै भारत र वंगलादेशको पैददलयात्रा सम्पन्न गरी नेपाल आएका हुन् । पश्चिम नेपालबाट पैदलयात्रा शुरु गरेका रोहनले नेपालका ७३ वटा जिल्लाको […]