विराटनगर, मंसीर ५
निरज बस्नेत
मोरङमा अवको केहीबेरमा मतगणना कार्य शुरु हुने मुख्य निर्वाचन अधिकृतको कार्यालयले जनाएँको छ ।
मोरङको उत्तरी भेगवाट मतपेटीका आउन केही ढिला भएकै कारण मतगणना कार्य आईतवार शुरु नभएको हो । जिल्ला निर्वाचन अधिकृतको कार्यालयका सूचना अधिकारी हेमराज बुढाथोकीका अनुसार मतगणना कार्य अहिले अव केही समयपछी शुरु हुने छ ।
निर्वाचन क्षेत्र नं. ४, ५, र ६ को विराटनगरस्थित आदर्श मा. वि. मा गणना हुनेछ । मोरङ क्षेत्र नं. १ को उर्लावारी नगरपालिकामा गणना हुनेछ । क्षेत्र नं. २ को रतुवामाई नगरपालिकामा रहेको विश्वनाथ मन्दिरमा मतगणना हुनेछ । त्यस्तैगरी मोरङ–३ को मतगणना कार्य बेलवारी नगरपालिकामा रहेको भगवती मा. वि मा हुनेछ ।
मोरङका प्रजिअ काशीराज दाहालले निर्वाचन शान्तिपूर्ण रुपले सम्पन्न भएको बताएँका छन् । साथै मतगणना स्थलको सुरक्षा व्यवस्था चुस्त रहेको दावी गरेका छन् ।
