विराटनगर, मंसिर २९
अपहरण तथा शरीर बन्धक’ मुद्दा लागेका नेपाल टाइम्स मिडिया प्रालिका संचालक एव् प्रमुख कार्यकारी निर्देशक ३१ वर्षीय सैहैन्शा सिद्धिकी भन्ने अब्दुल खत्ताब पक्राउ परेका छन् । खत्ताब बिहिबार विहान करिब साढे ११ बजे विराटनगर १ बाट पक्राउ परेको मोरङ प्रहरीले जनाएकाे छ ।
विराटनगरका प्रतिष्ठित उद्योगी अरुणकुमार राठीले खत्ताबविरुद्ध जिल्ला प्रहरी कार्यलयमा केहि समय अघि जाहेरी दिएका थिए । खत्ताबसहित तिन जनालाई जाहेरीमा प्रतिवादी बनाइएकाे थियाे । आरोपित खत्ताबबाहेक अन्यकाे पिहचान अझ स्पष्ट खुलेको छैन ।
राठी नेपाल टाईम्सका अनलाईनका सझेदार समेत हुन् । सो अनलाईनमा आफ्नो ५ हजार कित्ता (२०प्रतिशत) शेयर रहेको राठीले जाहेरीमा खुलाएका छन् । राठी प्रदेशसभा १ समानुपातिकतर्फको एमालेबाट उम्मेदवार समेत हुन् ।
अपहरणमा परेको तिन दिनपछि मात्र आईतबार राठीले प्रहरी समक्ष जाहेरी दिएका थिए । खत्ताबको त्रासले तिन दिनसम्म घरबाट बाहिर निस्किन नसकेको र पछि इष्टमित्रले हौसला दिएपछि जाहेरी दिने आट आएको राठीको भनाई छ ।
जाहेरी अनुसार गत बुधवार विहान करिब साढे ६ बजे खत्ताबले अन्तर्वार्ता लिनु छ भनी राठीलाई मेनरोडस्थित सत्यनारायण मन्दिर नजिक रहेको निजको घरबाटै स्कुटरमा चढाएर लगेका थिए । त्यसपछि नेपाल टाईम्सको हालको कार्यालयमा लागी ईन्टरभ्यु लिएको र बाँकी भिडियो उक्त अनलाईनकै पुरानो कार्यलयमा बनाउने भन्दै सरौचियास्थित पुरानो कार्यलयमा पुर्याएको र त्यहाँ पुगेपछि तारले हात बाधी ३ घण्टासम्म बन्दक बनाई फिरौती रकम माग गरेको राठीको जिकिर छ ।
“खत्ताब बरम्बार फोनमा कसैसँग कुरा गरिरहेको थियो, ईण्डिया पुर्याईदिने कसैलाई भन्दै थियो” राठीले जनचर्चा संवाददातालाई भने “ईण्डिया पुर्याएको भए सायद म जिवित आउदिन थिए होला, सोही कारण उसलाई पैशा लिएर छोडिदिन आग्रह गरे ।” त्यसपछि १५ लाख तत्काल दिने र बाहिर कसैलाई नबताउने सर्तमा मात्र खत्ताबले आफुलाई उन्मुक्त गरेको राठीको भनाई छ ।
उता खत्ताबले भने आफुले राठीको अपहरण गरेको आरोप अस्वीकार गरेका छन् । राठीले व्यापारीक लेनदेनलाई अतिरंजित गरी भ्रम मात्र फैलाउन खोजेको खत्ताबले जनचर्चालाई आईतबार प्रतिक्रिया दिएका थिए । राठीको कुरामा कुनै पनि सत्यता नभएको र उनले दिनुपर्ने पैशा समयमा नदिएर उल्टै संस्थालाई बेला बेला संकटमा पार्दै आएको खत्ताबको भनाई छ ।
सोही विषयमा आईतबारनै प्रहरीले खत्ताबलाई जिल्ला प्रहरी कार्यलय मोरङमा बोलाई सोधपुछ गरेको थियाे । सोधपुछ गरी सोही दिन खत्ताबलाई मोरङ प्रहरीले छोडिदिएको थियो । सोमबार अदालतबाट पक्राउ पुर्जी जारी भएपछि प्रहरी खत्ताबको खोजीमा जुटेको छ ।
