विराटनगर, भाद्र ४
महेन्द्र मोरङ आदर्श बहुमुखी क्याम्पसका पुर्व विद्यार्थीहरु संगठित भएका छन् । क्यापसको सभाहलमा आज भएको पुर्व विद्यार्थीहरुको भेलाले संगठनका लागी नेतृत्व समेत चयन गरेको छ । एम.एम.ए.एम.सी आल्मुनाई एशोशिएसन नाम दिईएको उक्त संगठनको पहिलो नतृत्वमा (अध्यक्ष) भिम घिमिरे चुनिएका छन् । घिमिरे हाल उद्योग संगठन मोरङका अध्ययक्ष समेत रहेका छन् ।
त्यस्तै उपाध्यक्षमा कृष्ण कार्कि, महासचिवमा लिला ढुंगेल, कोषाध्यक्षमा गंगा राई, सचिवमा संजु कुमारी साह छानिएका छन् । सदस्यमा उद्धव भट्राई र शिव प्रसाद अधिकारी चयन भएका छन् ।
कार्यक्रममा बोल्दै एम.एम.ए.एम.सी आल्मुनाई एशोशिएसनका नवनिर्वाचित अध्यक्ष भिम घिमिरेले आफ्नो कार्यकालमा विश्वभरका फैलिएका मेहेन्द्र मोरगका विद्यार्थीलाई संगठित गरी विद्यालयका लागी अविस्मरणीय र अकल्पनीय योगदान पुर्याउने प्रतिवद्धता व्यक्त गरे ।
