१० फाल्गुण २०८०, बिहिबार
22-02-2024 , Thu

भारतीय भोजपुरी कलाकार खेसारीलाल आउँदा, बर्जु महोत्सवमा जनताको टाउको फुट्यो, जिम्मेवार को…?

Logo
प्रकाशित बुधबार, माघ ०४, २०७९

निरज बस्नेत
बर्जु, माघ ४
बर्जु जुवाजन्य महोत्सवको अन्तिम दिन मंगलवार दर्जनौंको टाउँको फुटेको छ । भारतीय भोजपुरी कलाकार खेसारीलाल यादव बर्जु महोत्सवमा आउँदा सो घटना हुन पुगेको हो ।

यसअघि पनि खेसारीलाल आउँने तयारी गर्दा ठूलो झडप भएको थियो । आयोजक समितिले विना तयारी हचुवाको भरमा यस्तो कार्यक्रम गर्दा अन्ततः नेपाली जनताकै टाउँको फुटेको छ ।

घाइतेको विराटनगरस्थित नोवेल अस्पतालमा उपचार भइरहेको छ । यसको प्रमुख जिम्मेवारी बर्जु ताल समितिका अध्यक्ष एवं महोत्सव समितिका समेत संयोजक रहेका श्रवण चौधरी मुख्य जिम्मेवार हुनुपर्दछ । चौधरीकी श्रीमती हाल बर्जु गाउँपालिकाकी उपाध्यक्ष हुन् । यसमा बर्जु गाउँपालिका पनि स्वभावत् मुछिएको देखिन्छ ।

गाउँमा यसअघि खेसारीलालकै कारण तेत्रो मानवीय क्षतिको साथमा करौडौंको जिन्सी सामानमा तोडफोडको घटना भएकै थियो । फेरी महोत्सवमा खेसारीलाई नै प्राथमिकता दिएर ल्याइनुलाई रहस्मय तवरले टिप्पणी गरिदैछ ।

भारतीय कलाकारलाई ज्यादा प्राथमिकतामा राखिनु अनि नेपाली कलाकारलाई वेवास्ता गरिने यो परिपाटीले समग्रतामा आम नेपाली कलाकारप्रतिको यो अपमान भएको देखिन्छ । त्यसमाथि आपत्ति त यस मानेमा छ की रु १६ लाख भारु रकम खर्चेर भारतीय कलाकारलाई प्रमोसन गर्नु त्यस्तो के नै जरुरी थियो र ? प्रश्न गम्भिर छ ।

यसमा आयोजक समितिका सवै दोषी छन् । अझ प्रमुख भएका नाताले श्रवण चौधरी त झन् बढी दोषी देखिन्छन् । यसका वावजूद गाउँपालिका अध्यक्ष जीवच्छ कुमार राय लगायत प्रमुख प्रशासकीय अधिकृत लगायत अन्य समेत केही हदसम्म दोषी देखिन्नछन् ।

फेरी प्रहरीलाई बल प्रयोग गरी जनताको टाउँकोमा नै टाउँको फुट्ने गरी भर्कुनुपर्ने त्यस्तो के आपत् आईलाग्यो ?

अतः आगामी दिनमा यस्तो गल्ती फेरी नदोहोरियोस् । रु १०० भनिएको टिकटमा रु ५०० क्षणभरमै नबनाइयोस् । जसले जहाँबाट सकिन्छ, नेपाली जनता नै लुट्ने काम आगामी दिनमा बन्द गरियोस् । र, सिंगो गाउँपालिकाभित्र कहाँ कस्ता कार्यक्रम हुदै छन्, यसतर्फ गाउँपालिकाका नेतृत्वकर्ताहरुले समयमा नै ध्यान पुर्याउनु अत्यन्तै जरुरी हुन जान्छ ।

आम पब्लिकको त यसमा रत्तिभर गल्ती देखिदैन । गाउँमा महोत्सप लाग्यो । भारतबाट कलाकार आयो । बस् रमाइलो गर्न गएँ । रु १०० राखिएको टिकट दरलाई एक्कासी फाइदाको लागि मनग्गै आम्दानी गर्ने हिसावले रु ५०० टिकट राख्नु आयोजकको ठूलो भूल देखियो ।

साथमा बेलैमा समन्वयकारी भूमिका खेल्न तदारुकता देखाउँन नसक्नु गाउँपालिकाका नेतृत्वकर्ताको महाभूल समेत थपियो । परिणामतः जनताको टाउँको विनाकारण फुट्यो ।

कमेन्ट गर्नुहोस्
सम्बन्धित

पर्सा,७ फाल्गुन । तराइका जिल्लाहरुमा पछिल्ला समय धार्मिक झगडा तथा साप्रदायिकता बढेको देखिएको छ । यसैक्रममा जिल्ला प्रशासन कार्यालय पर्साले वीरगञ्ज महानगरपालिकामा अनिश्चितकालीन कर्फ्यू आदेश जारी गरेको छ। सोमबार बेलुकी ५ बजेदेखि जिल्ला प्रशासन कार्यालय पर्साले पूर्वमा नगवा चोक, पश्चिममा तिलावे पुल, उत्तरमा परवानीपुर पर्सा र दक्षिणमा मितेरी पुल (भन्सार) सम्म अनिश्चितकालीन कर्फ्यू आदेश जारी गरेको […]

धनकुटा, ३ फागुन । धनकुटा बजार क्षेत्रमा अव्यवस्थित रुपमा राखिएका सामानहरु नगर प्रहरीले जफत गरेको छ । बसपार्क, सब्जिलाइन, हुलाकटोल लगायत क्षेत्रमा पसल व्यवसाय क्षेत्रभन्दा बाहिर निकालेर राखिएका सामानहरु नगर प्रहरीले नियन्त्रणमा लिएको हो । अव्यवस्थित रुपमा सामान नराख्न पटक–पटक आग्रह गर्दा पनि अटेर गरेपछि सामानहरु जफत गरिएको नगर प्रहरी प्रमुख रवि खत्रीले जानकारी दिए […]

काठमाडौं,२९ माघ। साउदी अरबमा अवैधरुपमा नेपाली मदिरा बनाएर बिक्री बितरण गरेको आरोपमा सयौँको संख्यामा नेपाली श्रमिकहरू जेल परेका छन्। रोजगारीका लागि त्यहाँ पुगेका नेपालीहरूले नेपालीमाझ लोकप्रिय रहेका मदिरा बनाउने, बिक्री बितरण गर्ने र सेवन गर्ने गरेका छन् । त्यस्तो कार्यमा संलग्नहरूलाई त्यहाँको प्रशासनले पक्राउ गर्ने गरेको छ। साउदी अरब नेपालको एउटा प्रमुख श्रम गन्तव्य हो […]