१० फाल्गुण २०८०, बिहिबार
22-02-2024 , Thu

म मरे पनि मेरो देश बाचिरहोस् भन्दै इलामका प्रेम आचार्यले आफैलाई आगो लगाएर जीवनलीला समाप्त पारे

Logo
प्रकाशित बुधबार, माघ ११, २०७९

निरज बस्नेत
विराटनगर, माघ ११
आफैलाई आगो लगाएर आफैलाई मार्नुसम्मको यो हदसम्मको काम कुनैपनि व्यक्तिले त्यतिकै पटक्कै गर्देन । यसमा धेरै कुराले महत्वपूर्ण भूमिका खेलेको हुन्छ ।

इलाम जिल्ला सूर्योदय नगरपालिकाका प्रेम आचार्यले संसद भवन अगाडी मंगलवार आफ्नै शरीरमा आफैलाई आगो लगाएँ । उसलाई बचाउँन धेरैले प्रयास गरे । कतिले पानी छर्के । कतिले कपडा कै सहाराले आगो निभाउने कोशिश त गरे । जसले जति प्रयास गरे तापनि आचार्यको ८० प्रतिशत शरीर आगोले जलेर छोड्यो । उनलाई कीर्तिपुरस्थित बर्न अस्पताल उपचारार्थ त लगियो । विडम्वना, आज विहान यिनको जीवनलीला समाप्त भयो ।

मर्नुअघि आचार्यले भावुक हुँदै ६ हजार ५ सय ५३ शब्द फेसबुकमा स्टाटस लेखेका थिँए । स्टाटस पढ्दा जो कोहीको आँखा रसाउँछ । मर्नुपर्ने बाध्यता राज्यकै कारण आइपरेको उक्त स्टाटसबाट क्लियर बुझ्न सकिन्छ ।

बैंकलाई यसमा उनले मुख्य दोषी मानेर टिप्पणी समेत गरेका छन् । शुरुमा कवोल गरिएको ५ प्रतिशत ब्याजलाई एकाएक १५ प्रतिशत पुर्याउने नेपालका बैंकहरु मान्छेलाई मर्न बाध्य पार्ने अर्को डरलाग्दो संस्था हो । आक्रोश पोख्दै निराशाका कयौं शब्दहरु उनले लेखेका छन् । विगतमा साझा विवेकशील पार्टीसँग आवद्द भएर आशाको दियो बल्छकी भन्ने पनि धेरै कोशिश पनि यिनले नगरेका होइनन् ।

तर, यस पार्टीको मूल नेतृत्वबाट समेत सिर्फ धोका सिवाय कहीकतै केही नमिलेपछि यिनको केही सिप त्यहाँनिर समेत चलेन । घरबाट काठमाडौं छिर्नुअघि विदेश जान्छु भनी हिडेका यिनले राजधानीमा धेरै ठक्कर धेरै जनाबाट खाएँ ।

राजनीतिको मूल नेतृत्वमा युवापुस्ता आएको प्रति समेत यिनलाई आशा चाही लागेको पनि छ । तथापी फोहरी राजनीतिको कुरुप चित्रले आज यिनलाई ३६ बर्षकै उमेरमा यो संसार सदाका लागि छोड्न बाध्य पार्यो ।

कस्तो मुलुक हाम्रो आज कस्तो बनाएँ । यही यस्तैको लागि नेपाली जनताले परिवर्तन ल्याएका हुन् त ? केही सिमित घरानियाको मुठ्ठीमा मेरो मुलुक आज कसिएको छ । म के नै गर्न सक्छु र ? मरेर जाँदा–जाँदा उनले भनेका छन् ।

म त मरेर जादैछु । मेरो जस्तै यो नियति कम्तिमा मेरो श्रीमती, छोरीहरुले भोग्नु नपरोस् । कसैले मलाई केही सहयोग गर्न सक्छ भने कृपया मेरो ऋण तिरीदिनुहोला, उनले भनेका छन् ।

मैलै गरेको यस्तै काम मेरो श्रीमतीलाई गर्न बाध्य नपारिदिनुहोला उनले भनेका छन् ।

कमेन्ट गर्नुहोस्
सम्बन्धित

विराटनगर, ९ फागुन । मोरङको पथरी–शनिश्चरे नगरपालिका ७ किर्तिपुरमा रहेको बाल कल्याण माध्यामिक विद्यालय स्कुलका विद्यार्थी र अभिभावकले विभिन्न माग गर्दै प्रदर्शन गरेका छन् । व्यवस्थापन समितिले पूर्णता नपाएको, स्कुल प्रशासनले समय तालिका अनुसार स्कुल नलगाएको, स्थानीय विषयमा पठनपाठन नगरेको, सेवामुखी स्कुल नभएको, राजनीतिकरण भएको, विद्यार्थीले कुटपिट गर्ने गरेको, निजी विद्यालयसँग विद्यार्थीको सौदाबाजी गरेको भन्दै […]

विराटनगर, फागुन ८ राजतन्त्र पुर्नस्थापना नभएसम्म संघर्ष जारी रहने एकीकृत राष्ट्रिय संघर्ष समितिका संस्थापक अध्यक्ष बल्लभ प्रसाद दाहालले विराटनगरमा सोमवार आयोजित एक कार्यक्रममा उद्घाेष गरेका छन् । सन्दर्भ , पूर्वरानी कोमल राज्यलक्ष्मी शाहको ७४औं जन्मोत्सव तथा राष्ट्रिय प्रजातन्त्र दिवस रहेको थियो । यसै कार्यक्रममा आफ्नो धारणा राख्दै दाहालले भने “हामी हिंसामा विश्वास गर्देनौं । हामी […]

पर्सा,७ फाल्गुन । तराइका जिल्लाहरुमा पछिल्ला समय धार्मिक झगडा तथा साप्रदायिकता बढेको देखिएको छ । यसैक्रममा जिल्ला प्रशासन कार्यालय पर्साले वीरगञ्ज महानगरपालिकामा अनिश्चितकालीन कर्फ्यू आदेश जारी गरेको छ। सोमबार बेलुकी ५ बजेदेखि जिल्ला प्रशासन कार्यालय पर्साले पूर्वमा नगवा चोक, पश्चिममा तिलावे पुल, उत्तरमा परवानीपुर पर्सा र दक्षिणमा मितेरी पुल (भन्सार) सम्म अनिश्चितकालीन कर्फ्यू आदेश जारी गरेको […]