निरज बस्नेत
सुन्दरहरैंचा, माघ १७
खोटाङ जन्म स्थान बताउँने अर्जुन कुमार ढकाल विगत ४० बर्षअघिदेखी तराइमा छन् । मोरङको सुन्दरहरैंचा नगरपालिका–५ हाइवेमा रहेको अर्जुन नर्सरी उद्योग वि.सं. २०७१ साल श्रावण महिनादेखी अनवरतरुपमा चलिरहेको छ ।
वि.सं. २०१६ चैत्र १६ मा खोटाङमा जन्मिएका ढकाल, श्रीमती अन्जु ढकालका साथमा यहाँस्थित नर्सरीमा दिनभरी व्यस्त हुनेगर्दछन् । ३ छोरीहरु छन् । दुईको विवाह भइसकेको छ । एक अहिले साथमै छिन् । उनको अध्ययन जारी छ ।
अर्जुनको यो नर्सरीमा अहिले २ सय किसिमका फलफूलका विरुवाहरु पाइन्छन् । फलफूलको सौखिन भएकै कारण अर्जुनले यो फलफूलको विरुवासहितको नर्सरी खोलेका हुन् ।
वि.सं. २०४८ सालमा अर्जुनको विवाह अंजुसँग भएको हो । अंजुले यिनको काममा सकेको सहयोग गर्नमा कुनै कसर बाँकी राखेकी छैनन् । आज अर्जुनको सफलतामा उनकी अर्धाङिनी अन्जुको महत्वपूर्ण भूमिका रहेको छ ।
जीवनमा ३ छोरीहरुको लालनपालनमा समय खर्चिनु चानचुने कुरा पटक्कै होइन । यस्तो एउटा गहन भूमिका जिम्मेवारीपूर्ण निर्वाह गरेकै कारण पनि आज नर्सरी व्यवसायमा सफल हुनु अर्जुन आफुलाई भाग्यमानी नै मान्छन् ।
कान्छी छोरीले पनि वुवा–आमालाई राम्रै सघाएकी छिन् । वार्षिक ३ लाख भाँडा तिर्ने गरी उनले यो नर्सरी लिएका छन् । सरदर दैनिक आम्दानी ३ हजार हुने गरेको अर्जुन बताउँछन् । उनको यही सुन्दरहरैंचा–५ बाटै मतदाता नामावलीमा नाम छ । यही ठाउँबाट उनले चुनावमा मतदान गरी मतदाताको भूमिका पनि निभाएका छन् ।
