निरज बस्नेत
उर्लावारी, माघ १७
उर्लावारीको शान–उर्लावारी प्रादेशिक महोत्सवको तयारी लगभग अन्तिम चरणमा पुगेको छ । मोरङ जिल्लाको प्रमुख शहर उर्लावारी नगरपालिका–४ मा यही २१ माघबाट शुरु भएर माघ २९ गतेसम्म गरी जम्मा ९ दिनसम्म महोत्सव लाग्दैछ ।
२ लाखभन्दा बढी दर्शकले प्रत्यक्ष अवलोकन गर्ने बताइएको यो प्रादेशिक स्तरको महोत्सव बताइएको छ । महोत्सवको तयारी लगभग अन्तिम–अन्तिम चरणममा पुगेको महोत्सव समितिका संयोजक भरत भट्टराइले जानकारी दिएका छन् ।
उर्लावारी उद्योग वाणिज्य संघका अध्यक्ष शेर बहादुर भण्डारीका अनुसार महोत्सवले कृषि तथा पर्यटनलाई टेवा पुर्याउँने बताएँ । महोत्सवमा २५ करोड बढीको कारोवार हुने आयोजकको दावी छ ।
उर्लावारी–४ नगरपालिका पूर्वपट्टीको खाली चौरमा महोत्सव लाग्नेछ । संयोजक भट्टराइका अनुसार महोत्सवमा नेपाल लगायत, छिमेकी राष्ट्रहरु, भारत, पाकिस्तान, बंगलादेश लगायतको समेत सहभागिता रहनेछ ।
सह–संयोजक प्रितम खड्गीका अनुसार महोत्सवमा १७० बढी स्टलहरु रहनेछन् । दैनिक सांस्कृतिक कार्यक्रम महोत्सवको मुख्य आकर्षणको रुपमा रहनेछ । त्यस्तैगरी अध्यक्ष भण्डारीका अनुसार महोत्सवमा स–साना नानीहरुका लागि बाल उद्यानका अलावा मनोरन्जनका विविध खेल समाग्रीहरु हुने जानकारी दिएँ ।
उर्लावारी उद्योग वाणिज्य संघ मुख्य आयोजक रहेको महोत्सवमा उर्लावारी नगरपालिका संरक्षक हो । यस्तैगरी महोत्सवलाई सफल बनाउँन, छिमेकी पालिकाहरु तथा प्रदेशका विभिन्न मन्त्रालयहरु, नेपाल पर्यटन बोर्ड, नेपाल उद्योग वाणिज्य महासंघ लगायतको साथ रहेको उर्लावारी उद्योग वाणिज्य संघका महासचिव हेमराज गुरुङले जानकारी दिएका छन् ।
