निरज बस्नेत
विराटनगर, माघ २५
विराटनगर–५ मा रहेको एभरेष्ट कलेजले तिनदिने एभरेष्ट कार्निभल २०७९ कार्यक्रमको आयोजना गर्ने भएको छ । सो कलेजमा मंगलवार आयोजित प्रेस मिटका क्रममा कलेजका प्रिन्सिपल टिकाराम पुरीले जानकारी दिएका हुन् ।
पुरीका अनुसार कार्यक्रम यही आउँदो माघ २७ देखी २९ गतेसम्म हुनेछ । कार्निभलमा दुई दिन अभिभावक दिवस समेत भव्यताका साथ मनाइने समेत सो पत्रकार सम्मेलनमा बताइएको छ ।
कार्यक्रमको पहिलो दिन महानगरपालिकाका मेयर नागेश कोइरालाको उपस्थितीमा प्ले ग्रुपदेखी कक्षा–५ सम्मका विद्यार्थी र तिनका अभिभावकसँग अभिभावक दिवस मनाइनेछ ।
दोस्रो दिन कक्षा–६ देखी १२ सम्मका विद्यार्थी र अभिभावकको उपस्थितीमा अभिभावक दिवस मनाइने समेत पुरीले बताएँ । यसै दिन प्रदेश १ का सामाजिक विकास मन्त्री बुद्दिकुमार राजभण्डारी पनि सहभागी हुनेछन् ।
कार्निभलमा कलेजका विद्यार्थीले तयार गरेका ५० भन्दा बढी साइन्स, म्याथ तथा म्यानेजमेन्ट विषयसँग सम्वन्धीत परियोजनाहरु प्रर्दशनीमा राखिनेछ ।
एभरेष्ट कलेजका भाइस प्रिन्सिपल नारायण कडरियाका अनुसारमा कार्निभलमा १८ स्टल रहनेछन् । साथै निशुःल्क स्वास्थ्य शिविर पनि संचालन हुने जानकारी गराइयो ।
कार्निभलको लास्ट डे राष्ट्रिय कलाकार कालीप्रसाद बास्कोटा, अस्मिता अधिकारी तथा अन्जु गौतमको समेत जोडदार प्रस्तुती रहने छ । कार्निभलमा एभरेष्ट कलेजका २५०० बढी विद्यार्थीको उपस्थिती रहनेछ ।
टोटल २५ हजारको संख्यामा मानिसको कार्यक्रममा उपस्थिती रहने आयोजकको दावी समेत रहेको छ । तिन दिने कार्यक्रमको लागि ३० लाख आसपास रकम खर्च हुने बताइएको छ ।
