निरज बस्नेत
ईनरुवा, माघ २५
सुनसरीको ईनरुवामा प्रथम चलचित्र महोत्सव हुने कुराको जानकारी चलचित्रकर्मी अरुण कुमार प्रधानले जानकारी गराएका छन् । प्रधान नेपाल चलचित्रकर्मी महासंघ प्रदेश १ का अध्यक्ष समेत हुन् ।
प्रधानकै अगुवाइमा यो महोत्सव हुन लागिरहेको हो । यस ईनरुवा महोत्सवको संयोजकमा ईनरुवा नगरपालिका रहेको छ । यही फागुन ७ देखी ११ गतेसम्म गरेर जम्मा ५ दिन उक्त महोत्सव हुन लागेको हो ।
सांस्कृतिक तथा पर्यटन महोत्सव २०७९ नाम दिइएको यो महोत्सव ऐतिहासिक हुने कलाकार प्रधान बताउँछन् ।
महोत्सवमा सहभागी चलचित्रहरु ईनरुवाको सिवी हल एवं कमल टाँकिजमा प्रर्दशन गरिनेछ । महोत्सवको परिकल्पनाकारमा स्वंयम् कलाकार अरुण प्रधान आफै हुन् । आयोजकमा नेपाल चलचित्रकर्मी महासंघ प्रदेश १ रहेको छ ।
