१० फाल्गुण २०८०, बिहिबार
22-02-2024 , Thu

वडाअध्यक्षको रोइलो , रु. १००० पनि खर्च गर्ने अधिकार हामीमा छैन…

Logo
प्रकाशित शुक्रबार, फाल्गुण १९, २०७९

निरज बस्नेत
विराटनगर, फागुन १९
देशभर ७५३ पालिका छन् । यसमा ६७४३ वडाहरु छन् । सिंहदरवारको अधिकार घर–घरमा आउँछ भनी संघीय गणतन्त्र घोषणा गरिएको हो । घरमा त परै जाओस्, जनप्रतिनिधिमा समेत एकरत्ति अधिकार आएको छैन ।

खोई कहाँ छ लोकतन्त्र ? यही सवैको लागि नेपाली जनतालाई बलिको बोको बनाएको हो ? होइन भने जनताको अधिकार घर घरमा कहाँ छ त ? जनजनले तेर्साउँने गम्भिर प्रश्न आज बनिरहेको छ यो ? सम्वन्धित वडा कार्यालय कोही केही सहयोग माग्न जाँदा वडाअध्यक्षको उत्तर आउँछ , हामीलाई रु. १००० पनि खर्च गर्ने अधिकार छैन भन्दै रुन्चे अनुहार पार्छन् ।

अनि जनताले सिंहदरवारको अधिकार घर घरमा आएको होइन भनी सोध्दा उल्टै अनभिज्ञता प्रकट गर्छन् । लाचारीको हद नाघ्छन् । अनि हामीमा पालिकाले केही अधिकार दिएको छैन । सम्पूर्ण कुरा पालिकाले नै हेर्छ । अफिसको लागि चाहिने एउटा डटपेन समेत पालिकासँगै माग्नुपर्छ ।

के वास्तविकता यही हो त ? अह पटक्कै होइन । मिलिजुली भगत चल्छ । रु. ९० मा किनेको एक लिटर दूधको समेत ९ हजार सम्मको विल बनाएर पास गर्छन् । त्यस्तैगरी स्टेशनरी सामानको विल पासमा समेत मनपरी आफूखुशी चल्छ । जनताले तिरेको करको पैसामा मनमौजी गर्छन् ।

अन्य यस्ता थुप्रै शीर्षकमा रकम राम्रै झ्वाम पार्छन् । यही नै चलिरहेको छ । सर्प पनि नमरोस् अनि लठ्ठी पनि नभाच्चियोस् यही पाराको काम गराइले स्थानीय निकायमा बर्षनी बेरुजूको चाङ लाग्छ । धेरै भन्दा धेरै बेरुजू देखिनु आफैमा भ्रष्टाचार हो । वडाभित्रको आर्थिक अनियमिततामा प्रायः गरी वडाअध्यक्ष र वडा सचिवको राम्रै मिलेभगत हुन्छ ।

तै चुप मै चुप यही पारा अपनाइन्छ । घोपला गर्ने कुरामा नीतिगत भ्रष्टाचार हुने गरेको पाइन्छ । तर, सामान्य नागरिक आश गरेर वडामा केही माग्न आएमा रोइलो चल्छ र भनिन्छ हामीसँग रु १ हजारको पनि अधिकार छैन । जानुस् पालिका नै त्यही तपाइलाई सहयोग मिल्छ ।

कमेन्ट गर्नुहोस्
सम्बन्धित

बिराटनगर, फागुन ०९ । कोशी प्रदेश प्रहरी कार्यालय बिराटनगर प्रादेशिक अनुसन्धान समूह (PIT) बाट खटिएको प्रहरी टोलीले एक जना फरार प्रतिवादीलाई पक्राउ गरेको छ । लेनदेन विगो मुद्धामा  मोरङ जिल्ला अदालतको मिति २०८०।०९।१३ गतेको फैसला आदेशाले १ बर्ष कैद सजाय भई फरार रहेका बिराटनगर- ६ का ४६ बर्षीय शंकर सहनीलाई खोजतलास गर्ने क्रममा गाउँघरमानै लुकिछिपी […]

विराटनगर, ९ फागुन । मोरङको पथरी–शनिश्चरे नगरपालिका ७ किर्तिपुरमा रहेको बाल कल्याण माध्यामिक विद्यालय स्कुलका विद्यार्थी र अभिभावकले विभिन्न माग गर्दै प्रदर्शन गरेका छन् । व्यवस्थापन समितिले पूर्णता नपाएको, स्कुल प्रशासनले समय तालिका अनुसार स्कुल नलगाएको, स्थानीय विषयमा पठनपाठन नगरेको, सेवामुखी स्कुल नभएको, राजनीतिकरण भएको, विद्यार्थीले कुटपिट गर्ने गरेको, निजी विद्यालयसँग विद्यार्थीको सौदाबाजी गरेको भन्दै […]

काठमाडौं , फागुन ९ ई–कर्मस वेबसाइट ग्यापु डटकमका सञ्चालक ज्ञानेन्द्र खड्कालाई अपहरण गरेको भन्दै कांग्रेस नेता गणेश लामाविरुद्ध प्रहरीमा किटानी जाहेरी परेको छ । उपत्यका अपराध अनुसन्धान कार्यालय, काठमाडौंको आएको निवेदनमाथि प्रारम्भिक अनुसन्धान गरेर थप कारबाहीका लागि जिल्ला प्रहरी परिसर, ललितपुर पठाइएको कार्यालयका एसपी रवीन्द्र रेग्मीले अनलाइनखबरलाई बताए । सत्तारुढ नेपाली कांग्रेसमा केन्द्रीय सदस्य रहेका […]