निरज बस्नेत
बेलवारी, चैत्र ११
कृषि, उद्यम, व्यापार, पर्यटन, र स्वरोजगार, शान्ति, सुशासन, समृद्द नगरी राम्रो बेलवारी बनेको छ । बेलवारी नगरपालिका मोरङको मध्य भागमा अवस्थित रहेको छ ।
डाँगीहाट, बाहुनी समेत बेलवारी नगरपालिकामा नै अटाएका छन् । ऐतिहासिक बेलवारीमा बेलको ठूलो जंगल रहेको हुनाले नै यो ठाउँलाई बेलवारी नाम दिइएको हो ।
बेतना सिमसार बेलवारी घुम्न लायक महत्वपूणर् ठाउँ हो । बेतनामा दिनहुँ घुम्न आउँनेको संख्या उल्लेखनीय रहेको जानकारी बेतना सिमसारका अध्यक्ष डम्वर बस्नेतले गराएँ ।
वि. सं. २०७१ सालमा मोरङ जिल्लाका बेलवारी र कसेनी दुइवटा गाविस मिलेर बेलवारी नगरपालिका बनाइयो । पछी वि. सं. २०७३ मा आएर बाहुनी र डाँगीहाटलाई पनि गाभियो ।
यस भेगका पूराना वासिन्दा स्थानीय धिमालहरु नै हुन् । बेलवारीको क्षेत्र १३२.७९ वर्गकिलोमिटर रहेको छ । विराटनगरदेखी बेलवारीको दूरी ५५ किमी बताइन्छ । बेलवारीमा धनपालगढी लोहन्द्रा र दरलोक्ना खोलाको बीचमा पर्दछ । यो गढीको जमिन १८ विगाहा रहेको छ ।
धनपालगढीमा राजा धनपालको मन्दिर छ । यहाँभित्र ७ वटा पोखरी पनि छन् । थारु संस्कृतिसँग जोडिएको यो एउटा ऐतिहासिक धार्मिक स्थल हो । जहाँ घुम्न आउँदा केही जानकारी लिएर जान सकिन्छ ।
बेलवारी १२ मा वुद्दिष्ट गुम्वा छ । यो गुम्वा निकै आकर्षक छ । बजारबाट ४ किमी पूर्वमा यो गुम्वा रहेको छ । एक विगाहा क्षेत्रफलमा फैलिएको छ । यहाँ लामा गुरुले दैनिक पूजा गर्छन् । यहाँपनि घुम्न आउँदा रमाइलो हुन्छ ।
साकेलाथान भुमिपूत्र मूलवासी किँरात समुदायको आस्थाको केन्द्र यही छ । साकेला थान वि. सं. २०४८ मा स्थापना भएको हो । यहाँपनि घुमेर मनलाई आनन्दित पार्न सकिन्छ ।
रमिते भ्युटावर समेत बेलवारीमा छ । यहाँ पिकनि आउनेको राम्रै भीड हेर्न पाइन्छ ।
वडा नं. १० मा रहेको सृजना पार्कमा जोडीहरु आउने गर्दछन् । यहाँ पार्कमा परिवारसहितको जमघट पनि हुने गरेको देखिन्छ ।
बेलवारी राधानगरमा मखन पोखरी छ । १ विगाहा १५ कठ्ठामा फैलिएको यस क्षेत्रमा ब्राह्मण, क्षेत्रीको बढी वसोवास छ ।
