विराटनगर, पुष १२
फिरोज साह मोरङ क्षेत्र नं ५ बाट प्रतिनिधिसभाको लागी गत ७९को निर्वाचनमा उठेका एक स्वतन्त्र उम्मेदवार हुन् । उनी निर्वाचन अघि कांग्रेसमा रहि सक्रिय राजनीति गरिरहेका थिए । नेपाली कांग्रेसमा आफ्नो जिवनको १८ वर्ष फिरोजले बिताईसकेका छन् । ७९ को निर्वाचनमा पार्टिले कतैको पनि टिकट नदिएपछि उनी आफ्नै क्षेत्रमा स्वतन्त्र उठे ।
स्वतन्त्र उठेका साह ७९को निर्वाचनमा हारे । विद्रोह गर्नु मात्र आफ्नो उद्देश्य रहेकाले हारे पनि आफुले उम्मेदवारी दिएर उद्देश्य प्राप्त गरेको फिरोजको भनाई छ । चुनावपछि साह स्वतन्त्र रहेर समाजसेवा र राजनीति गर्ने निधोमा पुगे ।
एकवर्षसम्म स्वतन्त्ररुपमा राजनीतिक तथा समाजिक कार्यमा फिरोज लागीरहे । त्यसपछि उनको एकाएक कांग्रेसका वरिष्ठ नेता डा. शेखर कोईरालासँग भेट भयो, १८ वर्षसम्म काग्रेस भनेर हिडेको मान्छे, राजनीतिकरुपमा टुहुरो भएर हिडेको देखेर फिरोजको हात कोईरालाले समाउने निधो गरे । अब फिरोजलाई गहन जिम्मेवारी दिएर पार्टीको कार्यमा सक्रिय बनाउने डा.कोईरालाको तयारी छ ।
नेता कोइरालाको यो कदमले फिरोज पुन पार्टीगत राजनीति गर्नतर्फ उत्साहित बनेका छन् । कोईरालासँग भेटेपछि फेरि पनि पार्टीको लागी केही गर्ने जोशजागर ब्यूइतिएको फिराज सुनाउँछन् । पार्टिले जिम्मेवारी दिएकाे खण्डमा थप उर्जाका साथ राजनीतिमा होमिने फिराेजले डा.काेईराला सामु प्रतिबद्धता समेत व्यक्त गरेका छन्। डा. काेईरालाई भेटेपछि फिराेजले पार्टीगत क्रयाकलाप भने शुरु गरिसकेका छन् ।
डा.कोईराला पछिल्लो समय काग्रेसबाट बिरक्तिएकालाई उपयुक्त जिम्मेवारी दिलाई पार्टिमा फर्काउने अभियानमा होमिएका छन् ।
