वीरगंज, भाद्र २०
वीरगंजमा एक छात्रा माथि एसिड प्रहार भएको छ । स्थानीय त्रिभुवन हनुमान मावी कक्षा ९ मा पढ्ने छाप्कैयाकी मुस्कान खातुनमाथि दुई युवाहरुले एसिड प्रहार गरेको खुल्न आएको छ ।

शुक्रवार विद्यालय जाने क्रममा बिहानको करिब साढे ६ बजे ति युवाहरुले मस्कानमाथि एसिड प्रहार गरेका थिए ।
एसिड प्रहारबाट गम्भीर घाइते भएकी मुस्कानको हाल वीरगन्ज स्थित नारायण अस्पतालमा उपचार भईरहेको छ । युवक द्वयले मुस्कानको छाति, हात र मुखमा एसिड प्रहार गरी फरार भएका थिए । मुस्कानको एसिड प्रहारबाट शरीरको एकतर्फको भाग पुरै जलेको छ ।

ADVERTISEMENT

एसिड प्रहार गर्ने मुख्य व्यक्ति १६ वर्षिय संसाद आलमलाई भने प्रहरीले पक्राउ गरिसकेको छ । संसादका सहयोगी १७ वर्षिय माजिद आलम भने फरार छन् । फरार मजिदको भने खोजि भइरहेको जिल्ला प्रहरी कार्यालय पर्साले जानकारी गराएकोे छ ।
घटनामा संलग्न दुबै युवा पिडितका छिमेकी रहेको पिडितका आफन्तजनले बताएका छन् ।