विराटनगर, वैशाख ५ । विराटनगरको आधुनिक भिडियो गेम पार्लर हाईडआउट गेमीङ जोनमा बालबालिका तथा किशोर–किशोरीहरुको आकर्षण बढेको छ । कञ्चनवारीको एयरपोर्ट रोड नहरपारी रहेको सो भिडियो गेम पार्लरमा भिडियो गेम खेल्नेको शंख्या दिनदिनै बढ्दै गएको संचालक अमुल आचार्य बताउँछन् । हाईडआउटमा दैनिक ४० जनासम्मले गेम खेल्ने र दैनिक ८ घण्टसम्म भिडियाे गेमहरु अकुपाईड रहने आचार्यकाे भनाई छ । विशुद्ध भिडियो गेमिङको लागी विराटनगरको यो एक मात्र पार्लर हो ।
यस गेम पार्लरमा ७ वटा गेमहरु राखिएको छ । जसमा फीफा, जिटिए, टेकन, स्याडो आफ दि वार आदि रहेका छन् । हाललाई २ वाट प्ले स्टेशनमा पार्लरले गेमिङ गराईरहेको छ । पहिलो प्लेस्टेशनमा ५५ इन्चको स्क्रिन राखिएको छ भने आर्कोमा ४३ ईन्चको स्क्रिन छ । पार्लरको क्षेत्रफल करिब ७०० वर्गफिटको रहेको छ । निकट भविष्यमै थप ५ वटा प्लेस्टेशन, एक दर्जनबढी गेम र पार्लरको क्षेत्रफलपनि बढाउने संचालक आर्चायको योजना छ ।
हाईडआउटमा हाललाई न्युनत्तम १ रुपैयाँ प्रति मिनेटमा एक व्यक्तिले जुनसुकै गेमको पनि मज्जा लिन सक्नेछ । यँहा फुटबल लगाएतका खेलहरु एकैपटकमा ४ जनासम्मले खेल्नसक्ने व्यवास्था मिलाईएको छ । पारिवारिक वातावरण रहेको सो पार्लरमा किशोर किशोरीका साथै अभिभावकले समेत आफ्नो बालबालिककालाई भिडियो गेम खेलाउन ल्याउने गर्दछन् ।
