विराटनगर, जेठ १२ । विराटनगर – २ मा अवस्थित बूढानिलकण्ठ सकेण्डरी ईङ्गलिस स्कुलले २५६८ औं बुद्ध जयन्ती विभिन्न कार्यक्रम आयोजना गरी मनाएकाे छ । बुद्घ जयन्तीकाे अवसरमा बिहिबार विद्यालयकाे प्राङ्गणमा आयाेजना गरिएकाे विषेश कार्यक्रममा कक्षा नर्सरी देखी कक्षा तीन सम्मका स–साना बालबालिकाहरुले बुद्ध तथा भिक्षु बनेर मञ्चको रौनक बढाएका थिए ।कार्यक्रममा कक्षा ६ का छात्र अनुभव पौडेल र कक्षा १० की छात्रा श्रीशा नेपालले बुद्धको जीवनीसँग सम्बन्धित कविता वाचन गरेका थिए ।
कार्यक्रममा विद्यार्थीहरुले गौतम बुद्धले दिएका सुखी जीवनसँग सम्बन्धित सन्देशहरु जस्तै सधै सत्य बोल्ने, जीवजन्तुको हत्या नगर्ने, मिलेर बस्ने आदि कुराको सन्देशहरु रचनात्मक ढंगले प्रस्तुत समेत गरेका थिए । साेही कार्यक्रममा कक्षा ८, ९ र १० का छात्राहरुले ‘ फूलको आँखामा ’ बोलको र कक्षा ९ का छात्रहरुले ‘धर्म’ बोलको गीत गाएका थिए । कक्षा ५, ६ , ७ र ८ का छात्राहरुले ‘ बुद्धम् शरणम् गच्छामी ’ बोलको गीतमा नृत्य र कक्षा ९ का छात्राहरुले ‘यही हो मेरो देश नेपाल’ बोलको गीतमा रहेको नृत्य पनि प्रस्तुत गरेक थिए ।
उक्त कार्यक्रममा विषेश भुमिका निर्वाह गर्नुहुने नृत्य प्रशिक्षक दिपेन्द्र थापा तथा शिक्षिका मन्जु श्रेष्ठ र अस्विना भट्ट लगायत प्रत्यक्ष तथा अप्रत्यक्ष रुपमा सम्लग्न रहेका संपूर्ण शिक्षक शिक्षिका र विद्यार्थीहरुलाई स्कुलका प्रिन्सिपल मणी राज भट्टराईले धन्यवाद व्यक्त गरेका थिए ।
