निरज बस्नेत
विराटनगर, चैत्र १३
राष्ट्रवादी युवा समाजसेवी रवि रिजालले राष्ट्रिय प्रजातन्त्र पार्टी परित्यागको घोषणा गरेका छन् । सो कुराको जानकारी रिजालले जनचर्चालाई दिएका छन् ।
राप्रपा नेतृत्वप्रति रिजालको तीव्र असन्तुुष्टि रहेको छ । मोरङ जिल्ला कार्यसमितिप्रति झन् बढ्ता असन्तुष्टि रहदै आएको देखिन्छ । यहाँको जिल्ला कार्यालय पूरै भद्रगोल अवस्थामा रहकोप्रति उनको चिन्ता पनि रहेकै थियो । जिम्मेवारीपूर्वक महत्वपूर्ण भूमिका निर्वाह गर्छु भनी नेतृत्वको समयमा नै ध्यानाकर्षण गराएकै हुन् ।
यद्पी नेतृत्वको भ्रष्ट प्रवृतिले कुनै लछारपाटो नलाएपछि त्यसैत्यसै विरक्तिएका उनी आफुलाई अव पूरै जनतामाझनै जाने निष्कर्षमा पुगेका छन् । अवको बाटो के हुने भन्ने चाँही जनताकै राय सल्लाह लिदै थप निर्णयमा पुग्ने उनले बताएका छन् ।
