कविता
आकासभन्दा ठूलो हुन्छ मन
मनभन्दा ठूलो माया हुन्छ
मायाभन्दा अझै ठूला विश्वाश
विश्वाशभन्दा ठूलो केही छैन जीवनमा ।
विश्वाशमै अडिएको वाचा, बन्धन
विश्वाशमै अडिएको नाता सम्बन्ध,
विश्वाशमै अडिएको छ संसार
विश्वाशभन्दा ठूलो के छ र संसारमा ।
एकै क्षणको बहकाईमा तिमीले
विश्वाशलाई नगुमाउनु,
पलभरको खुसी पाउन तिमीले
विश्वाशलाई नरुझाउनु ।
रोजेर नपाउने माया पनि
सोचेर पाइन सक्छ,
किनेर नपाइने विश्वाश यहाँ
जीतेर पाइन सक्छ ।
विश्वाशमा अडिएको वाचा पनि
बहकाईमा टुट्न सक्छ,
बाधेर राख्न नसक्दा मनलाई
नाता सम्बन्ध टुट्न सक्छ ।
सम्हालेर राख्न नसक्दा आफूलाई
आफ्नै धर्म लुट्न सक्छ,
विश्वाशमा अडिएको सम्बन्ध पनि
क्षणभरमै टुट्न सक्छ ।
बलेको आगो ताप्न खोज्दा
संगै आफै पनि जल्न सक्छ
तनको आगो निभाउन खोज्दा
विश्वाश पनि निभ्न सक्छ ।
अन्तै बहकिदिने मनलाई पनि
विश्वाशले जीत्न सक्छ,
नजानु कसैको बहकाईमा तिमीले
आफ्नै अष्मिता डुब्न सक्छ ।
कतै विश्वाश मागेर पाइन्न
न त किनेर पाइन्छ, विश्वाश,
हराएको विश्वाश खोजेर पाइन्न
बरु जीतेरै पाउन सकिन्छ विश्वाश |
