काठमाडौं,भाद्र २२
कुखुराको भालेले ठुंगेर अस्ट्रेलियामा एक ७६ वर्षीया वृद्धाको मृत्यु भएको छ । सीएनएनको अनुसार कुखुराले ठुंगेर वृद्धाको मृत्यु भएको घटनापछि प्याथोलोजिष्टहरु पनि आश्चर्यमा परेका थिए ।
उनको मृत्युलाई लिएर प्याथोलोजिष्टहरुले अनुधान पनि गरेका थिए । अनुसाधनको प्रतिवेदनमा भनिएको छ ‘अस्ट्रेलियामा एक घरमा पालिएको कुखुराको भालेले वृद्धाको देब्रे खुट्टामा आक्रमण गरेको थियो । भालेले ठुंगेपछि वृद्धामा अनियन्त्रित रक्तश्राव भएपछि उनको निधन भयो ।’
थप लेखिएको छ ‘ भालेले वृद्धाको खुट्टामा पहिलेदेखिनै सुन्निएको नसामा ठुङ्ग्न पुगेको थियो । रक्तनली फुटेर अत्यधिक रक्तश्राव हुँदा मृत्यु भएको देखिन्छ,’
भाले ठुंग्नु एउटा कारक मात्र भएको तर महिलामा रहेको रोगले नै गर्दा उनको ज्यान गएको प्रतिवेदनको अन्त्यमा भनिएको छ ।
