विराटनगर, असोज २९
कर्तिक ८ गते लाईभ ईन्टरटेनमेन्टले विराटनगरको जैन भवनमा भव्य कन्सर्टको आयोजना गर्ने भएको छ । बिराटनगर म्युजिक फेस्टिबलको नाम दिई हरेक वर्ष आयोजना हुदै आएको उक्त कार्यक्रमको यो पाँचौ संस्करण हो ।
आयोजकले आज विराटनगरमा पत्रकार सम्मेलन गरी कार्यक्रमको तयारी अन्तिम चरणमा पुगेको बताएको छ ।
कन्सर्टमा गायक सबिन राई एण्ड फ्यारो ब्याण्ड , भ्वाईस अफ नेपाल सिजन वानमा दोश्रो भएका बिराटनगरका शृजय थपलिया र ब्यान्ड तथा नेपाल आईडल सिजन टु कि टप इलाभेन हिना मल्ल र बदमाश ब्यान्ड लगायतको प्रस्तुती रहनेछ । उक्त कार्यक्रमलाई सगरमाथा टेलिभिजनकी भिजे पुजन थापाले होस्ट गर्ने भएकी छिन् ।
कार्यक्रममा बिराटनगर कै ग्रिन लिफ ब्यान्डको समेत प्रस्तुति रहने छ । त्यस्तै विराटनगरका संगीतकर्मीहरुको सामुहिक प्रस्तुती हुने बताईएको छ। साथै , कार्यक्रममा फुड ट्रक साथै अन्य बिभिन्न आकर्षण रहेको आयोजक सन्तोष महत (स्यान्ट्रो) ले जानकारी दिए ।
