काठमाडौं, पुष १
रात्नराज्य (आरआर) क्यापस परिसरमा दैनिक करिब १५ सय विद्यार्थी हुन्छन् । ५० माथि संख्यामा शिक्षक र कर्मचारीहरु पनि ।
उनीहरुलाई लक्ष्ति गरी वर्ल्डलिंकले कलेज हातामा दुई वटा ठुला ठुला राउटर जडान गरेको छ । तर वाइफाई जडान भएको एक वर्ष बितिसक्दा पनि ईन्टरनेट भने कहिलेपनि राम्ररी चल्न नसकेकोे विद्यार्थीको गुनासो छ ।
एक छात्रा भन्छन् “वाइफाईको सिग्नल देखाउछ, कनेक्ट पनि हुन्छ, वर्ल्डलिंकको प्रचार आउछ तर वाइफाई भने चल्दैन्।”
वर्ल्डलिंकको प्रचार आउने तर वाइफाइ चाँही नचल्ने भएको हुदा आरआरका विद्यार्थी वर्ल्डलिंकले कलेजलाई दिएको सेवा प्रति रुष्ट छन् ।
निशुल्क सेवा दिने नाममा वर्ल्डलिंकले फ्रिमा प्रचार मात्र गर्न खोजेको कतिपय विद्यार्थीले आशंका समेत गरेका छन् ।
वर्ल्डलिंकले निशुल्क इन्टरनेट उपलब्ध गराउने शर्तमा एक वर्ष अघि कलेजको हातामा राउटर जडान गरेको आरआर क्याम्पसका स्ववियू सदस्द मदन भण्डरी बताउछन् । त्यस्तै स्ववियूका आर्का सदस्य उज्जोवल न्यौपानेले यथासिग्र समस्याको समाधन गर्ने तर्फ स्ववियूले पहल गर्ने बताएका छन् ।

विद्यार्थी प्रभावित
वाइफाई नचल्दा उक्त कलेजमा पत्रकारीतामा एम.ए. अध्ययन गर्दै आएका विद्यार्थी सबैभन्दा बढी प्रभावित भएका छन् । (एम.ए.) पत्रकारिताको पठ्य समाग्री सजिलै किताब पसलमा नपाउने भएकाले विद्यार्थीहरुले इन्टरवाटै खाजेर अध्ययन गर्ने गरेका छन् । तर वाइफाई नचल्दा खर्चिलो डाटाको प्रयोग गरी विद्यार्थीले इन्टरनेट चलाउनु परेको विद्याथीहरुको गुनासो छ ।