✍दिनेश खड्का
विराटनगर, चैत १२

मास्क र सेनिटाइजरको कालोबजरी गर्ने विराटनगरका व्यापारी राजेश अग्रवाल कानुनी फान्दाबाट सजिलै फुत्किएका छन् ।

आईतवार जिल्ला प्रशासन मोरङ, वाणीज्य, विराटनगर महानगरपालिका र नेपाल प्रहरीको संयुक्त अनुगमन टोलीले अग्रवालद्धारा विराटनगरमा संचालित श्री सर्जीकल इम्पेक्समा छापा मारेको थियो । छापा मार्ने क्रममा ११ हजार थानभन्दा बढी मास्क र त्यस्तै ठुलो मात्रामा सेनीटाइजर लुकाएको अवस्थामा फेला परेको थियो । ठुलो संख्यामा मास्क र सेनिटाइजर लुकाएर राखेको अवस्थामा फेला परेपछि अग्रवाललाई तत्काल पक्राउ गरिएको थियो ।
पक्राउ परेका अग्रवाललाई केहि घण्टा मात्र हिरासतमा राखियो । नेपालको प्रशासन र कानुनले उनलाई एकदिन पनि हिरासतमा राख्न सकेन । प्रधानमन्त्री केपी शर्मा ओलीले केही दिन अघि मात्र जनतालाई सम्बोधन गदै यो भैपरीको अवस्थामा कालोबजारी गर्नेलाई कडाभन्दा कडा कारवाही गर्ने घोषणै गरेका थिए । तर राजेश अग्रावलजस्ता कालाबजारी गर्नेलाई स्थानीय प्रशासनले एकदिन पनि हिरासतमा राख्न नसक्नुले प्रधानमन्त्रीको घोषणलाई गिज्याई रहेको छ ।
अभावको बेला गेरै कानुनी ढंगले मास्क र सेनिटाइजर भण्डार गरेको भन्दै वाणिज्यले अग्रवाललाई तत्काल ३ लाख रुपैयाँ जरिमाना गराएको थियो । त्यसपश्च्यिात थप अनुसन्धानको लागी प्रहरीले अग्रवाललाई हिरासतमा लिएको थियो । तर हिसारतमा राखिएको केहि घण्टा नबित्दै अग्रवाललाई तारिकमा छोडिएको बुझिएको छ ।
अति आवश्यक समान जाम्माखोरी गरेर राख्नेलाई १ वर्षसम्मको कैद वा १० लाखसम्म जरिमाना वा दुवै हुने कानुनी व्यवस्था छ ।

याे पनि पढ्नुस् : मास्क र सेनिटाइजर लुकाएर राख्ने विराटनगरका व्यापारी राजेश अग्रवाल पक्राउ

तपाईको प्रतिक्रिया