१६ चैत्र २०८०, शुक्रबार
29-03-2024 , Fri

जन्म दिन

कविता
Logo
प्रकाशित बिहिबार, बैशाख १८, २०७७

उर्मिला केसी

जन्मिएको दिन,
नयाँ यात्रा यानेकी नयाँ साल उदायो ।
पुरानो अस्ताए सँगै,
आयु घटाईदिन्छ प्रत्येक जन्म दिनले ।
आखीर आश नै आशको जालो जस्तो न हो जनमदिन,
पोहोर जस्तो निरास तुल्याउन आँउछ,
जीम्मेवारी बोध गराउन आँउछ ,
फेरी अर्को यात्रा हिड्नु छ निष्पठ अँध्यारोमा
उज्यालोको धिपधिपेमा अँधेरीलाई पन्छाउन,
आएको जन्मदिन ।

क्यालेण्डर फेरीनु मात्र जन्मदिन होईन,
ह्याप्पि बर्थ डे भन्नु मात्र पनि जन्म दिन होईन,
मैले सोचे जस्तो एउटा उत्सव होस् ।
आमाको हातको मिष्ठान्न परिकार होस्,
यात्रामा साहस मिलोस्,
काममा उत्साह ।
लक्ष्यलाई पहिल्याउने प्रेरण मिलोस्,
तर यहाँ त उमेरमा नयाँ बर्ष थपि
बृढापनको आभाष मात्र दिलाई दिन्छ,
न मित्र छन् ,न त अभिभावक ।
शुभकामना दिन
दिन मन हुनेहरुले नि
अतित बनाईसके सायद मेरो जन्मदिनलाई ।

उमेरसँगै जन्मदिनको महत्व साँचिकै घट्दो छ,
जीवन प्रतिको जिम्मेवारी बोध गराईदिन्छ उसै ।
पुगीसरी हुनेको लागी पो केक र मैन बत्तिको उत्सव,
नहुनेलाई आशीर्वाद पाउने दिन खुशी मिल्छ त क्षेणिक मात्र ।
बिदाईको हात हल्लाउदै जान्छ,
फेरी जान्छ अर्को साल सम्मको लागी ।

कमेन्ट गर्नुहोस्
सम्बन्धित

विराटनगर, ३ चैत्र / २००८ साल स्थापित नेपाली लेखक संघ कोशी प्रदेश समिति गठन भएको छ । शुक्रबार विराटनगरमा सम्पन्न संघको पहिलो अधिवेशनले साहित्यकार गोकुल अधिकारी (मोरङ)को नेतृत्वमा प्रदेश समिति गठन गरेको हो । २००८ सालमा साहित्यकार बीपी कोइराला, लक्ष्मीप्रसाद देवकोटा, सिद्धिचरण श्रेष्ठ, गोविन्दबहादुर मल्ल (गोठाले), विजय मल्ललगायत लेखक साहित्यकारहरुको अग्रसरतामा स्थापित संघको प्रदेश उपाध्यक्षमा समदर्शी […]