अह , सरकारले दिनु पर्दैन राहत !
सरकारले दिनु पर्दैन रोजगार पनि ,
कुनै युवा विदेशी भुमिमा रेटिनु नि पर्दैन ,
सिर्फ लिस्टमा अटाउने अति आवश्यक पुर्वाधारको व्यवस्था गरिदेऊ !
देशका कुना काप्चासम्म बिजुली बत्ती र यातायातको सुविधा पुर्याईदेउ ,
कमि छैनन् कहिँ देशका भुभाग उर्भर हुन मा !
पर्दैन कुनै देशका स्रोत सङ्ग निर्भर हुनु यहाँ ,
देशमा जुनसुकै पार्टीको शासन शत्ता होस् ,कुनै फरक पर्ने छैन हामिलाई ,
भनिदेउ सरकार ! प्रत्येक प्रदेशका ती जनप्रतिनिधिहरुलाई,
कि आफ्नो बस्ती,गाउँ घरका स्रोत साधनलाई चिन्न भनेर !
सम्भावना थुप्रै छन् यहाँ ,अवसर पनि उत्तिकै झन् ,
सिर्फ थोरै माहोल त बनाईदेऊ सरकार !!
ठूलो अवसर र रोजगारको खोजिमा म यो शहर आएको होईन सरकार !
उचित शिक्षा हासिल गराउन बा आमाले आफ्नो काख छुटाएका मात्र हुन् ,
हो यहि सुबिधा पनि राम्रो नपाएर हो त्यो भुमीमा !!
आफ्नो बस्तिलाई सुन्दर बनाउने क्षमता नभएको हुँदै होईन ,
ती गौचरण बनिसकेका भुमिलाई उर्भर बनाउने उर्जा निभेको पनि होईन सरकार ,
सिर्फ एउटा आधार त देऊ !!
रोजगारी पनि बन्नेछौ आफै अनि रोजगारदाता पनि ,
एट लिस्ट क्षमतालाई बाध्यतामा नबद्लाईदेऊ ,
अरु केही माग छैन ,र त्यो सदनको भाषण मात्र हैन !
उचित एउटा आधार त देऊ सरकार ,
फेरि बारबार तिमिले सुन्न पर्ने छैन जनताका गन्थन पनि !!
हो , थुनिएर सड्न भन्दा उभिएर लड्न चाहन्थे आफै ,
तर के गर्ने शहरको सुनसानमा उठ्नै सकिन सरकार !
असहाय लाई सहयात्री बनेर पाईला सार्दिने थिए,
तर के गर्ने, त्यसो गर्न सक्ने म मेरो जन्मभुमिमा छैन सरकार !!
आफै लडेको छु ,उठाउन आउछौ भन्ने आश पनि छैन तिम्रो ,
सिर्फ मेरो ठाउलाई एउटा आधार अवस्य देऊ ,
म त्यही रम्न चाहन्छु ,म त्यही मर्न चाहन्छु !
यो मेरो मात्र शब्द होइन ,म जस्ता लाखौंको आखामा टलपलाईरहेका सपना हुन् सरकार !!!
