विराटनगर, साउन १६
विश्वभरीनै शिक्षण विधिमा आईरहेको परिवर्तनलाई बुझ्न र सोही अनुसारको परिवर्तन नेपालको शिक्षण विधिमा पनि ल्याउन इडनवर्ग इन्टशनेशल कलेज विराटनगरले वर्षेनी अन्तराष्ट्रिय शैक्षिक भ्रमण गर्ने योजना अघि सारेको छ । सोही योजना अन्र्तगत यस पटक कलेजले आफ्ना प्राध्यापकलाई शैक्षिक भ्रमणका लागि भारतको कलकत्ता लगेको छ । भारतको कलकत्तामा प्राध्यापकहरुले विभिन्न कलेज तथा विश्वविद्यालयमा भ्रमण गरी शैक्षिक अवलोकन तथा त्यहाँ स्थित प्राध्यापक तथा विद्यार्थीहरु संग छलफल गरेका छन् ।
कलकत्ता स्थित वी.वी.ए., बि.पी.एच. र एम.एड. शैक्षिक कार्यक्रम अध्ययन गराउने शिक्षण संस्थाको अवलोकनमा ती संस्थाले प्रदान गर्ने शिक्षा, शिक्षण विधि र समग्र प्राज्ञिक स्थितीका बारेमा भ्रमणमा गएका प्राध्यापकहरुले चासो पूर्वक अवलोकन तथा छलफल गरेका थिए ।
अझ शसक्त रुपमा विद्यार्थीलाई कसरी व्यवहारिक शिक्षा प्रदान गर्न सकिन्छ भन्ने सोच विचारका साथ प्राध्यापकहरुको भारत भ्रमण आयोजना गरेको क्याम्पस प्रमुख मेघानन्द झाले बताए । उनले भने ‘यस्तो भ्रमण वेलाबेलामा भए शिक्षकको क्षमता र दक्षता बढछ जसले यहाँ हाम्रा विद्यार्थीहरु लावान्वित हुन्छन् ।’
‘विराटनगरमा नै पहिलो पटक प्राध्यापकलाई मात्र भारत भ्रमणमा इडनवर्ग इन्टनेशल कलेजले लगेको हो ।’ कलेज संचालन कैलाश श्रेष्ठले बताउछन् । उहाँ भन्नु हुन्छ, ‘यतो भ्रमणले प्राध्यापकमा शैक्षणिक कार्यका लागि मोटिभेसन गर्छ र शिक्षण सिकाईका लागि वातावरण समेत बनाउने गर्छ ।’ उहाँ पुनः भन्नु हुन्छ अव हरेक बर्ष हामी विद्यार्थीलाई मात्र नभएर शिक्षकलाइर्ब अहिले जसरी नै विभिन्न अन्तराष्ट्रिय भ्रमणमा लाने योजना छ ।
भ्रमणबाट फर्के पछि एक सहभागी प्राध्यापकले बताए, ‘भ्रमण फलदायी, उपलब्धी मूलक हुनका साथै कलकत्ताको शैक्षिक क्षेत्रको विकास, प्रगती र उन्नती हेर्नै अवसर पाईयो र आफू प्राध्यापनरत कलेजमा त्यहाबाट सिकेका कुराहरु कार्यात्वयन गर्नेछौ ।’ भ्रमण टोलीको सम्पूर्ण संयोजन तथा व्यवस्थापन कलेजका संचालक दिपक साह र निर्देशक राजेश यादवले गरेका थिए र भ्रमण टोलीले कलकत्ताको केही पर्यटकिय र ऐतिहासिक महत्वका क्षेत्रहरुको समेत अबलोकन तथा भ्रमण गरी नेपाल फर्किएको छ ।
