विराटनगर, चैत ६
कोशी अस्पतालमा कार्यरत्त केही डाक्टरहरुले आफ्नो प्राईभेट क्लीनिकको भिजिटिङ कार्डमा समेत कोशी अस्पतालको नाम प्रयोग गर्ने गरेको पाईएको छ । अस्पतालमा करार नियुक्ति पाएका ति डाक्टरहरुले सरकारी संस्थाको नामको दुरुपयोग गरी विरामीलाई झुक्याउने काम गरिरहेको पाईएको हो ।
झट्ट हेर्दा कोशी अस्पतालकैजस्तो देखिने त्यस्ता भिजिटिङ कार्डमा सम्पर्क नम्बर भने प्राईभेट क्लीनिकको दिईएको हुन्छ । विरामीहरु पनि सरकारी अस्पताल हो भन–ठानेर सो नम्बरमा सम्पर्क गर्ने गर्दछन् । तर उक्त कार्डमा दिईएको नंम्बरमा फोन लगाउदा कोशी अस्पतालमा नभएर कुनै प्राईभेट क्लीनिकमा फोन जाने गर्दछ ।
यसरी बिरामीले फोन सम्पर्क गर्दा क्लीनिकका प्रतिनिधिले अस्पतालमा भन्दा राम्रो सेवा क्लीनिकमा पाईने भन्दै विरामीको माईड डाईभर्ट गर्ने काम गर्दछन् । सोझा–साझा विरामीलाई ठगेर, झुक्याएर र डराएरै भए पनि क्लीनिकमै आउन बाध्य पर्दछन् ।
गरिब तथा निमुखा घरपरिवारका विरामीहरु सरकारी अस्पतालमा सस्तो तथा उत्कृष्ट चिकित्सय सेवा पाउने आशका साथ डाक्टरलाई सम्पर्क गर्ने गर्दछन् । तर डाक्टर भने डाकाको स्वरुप धारण गरेर कसरी हुन्छ बिरामीलाई लुट्नुपर्छ भन्ने धेयका क्लीनिक खोलेर बसेका हुन्छन् ।
सरकारी अस्पतालको नाम प्रयोग गरेर प्राईभेट किल्नीक चालउने .ठगीधन्धा भईरहदा समेत सरकारका नियामक निकाय भने बेखबर रहेको छ । त्यस्ता डाक्टर र क्लीनिक संचालकलाई खोजी खोजीे कारवाही गर्नु जरुरी देखिएको छ ।
यस विषयमा खबरदारी निरन्तर जारी रहनेछ : जनचर्चा डटकम

तपाईको प्रतिक्रिया