काठमाडौं, वैशाख १३
त्रिभुवन विश्विविद्यालयले अर्को सूचना जारी नभएसम्मका लागि सबै परीक्षा स्थगित गर्ने निर्णय गरेको छ ।
दोस्रो लहरको कोरोना संक्रमणको कारण देखाउँदै त्रिभुवन विश्विविद्यालयले परीक्षा स्थगित गर्ने निर्णय गरेको हो ।
सोमबार बसेको त्रिवि केन्द्रीय परीक्षा सञ्चालक समितिको बैठकले उक्त निर्णय गरेको छ । त्रिविले सर्वाजनिक सूचना जारी गरी स्नातक र स्नातकोत्तर तहका पूर्वनिर्धारित वार्षिक तथा समेस्टर प्रणालीका सम्पूर्ण परीक्षा वैशाख १४ गतेदेखि अर्को सूचना जारी नभएसम्मका लागि स्थगित गरेको जानकारी गराएको छ ।
सूचनामा त्रिविका आंगिक तथा सम्बन्धन प्राप्त क्याम्पसहरुका स्नातक र स्नातकोत्तर तहका संचालित भइरहेका र संचालनको प्रक्रियामा रहेका वार्षिक तथा समेस्टर प्रणालीका विभिन्न परीक्षाहरु स्थगित तत्कालको लागी स्थगित गर्ने भनिएको छ ।
