विराटनगर, असार ४
निरज बस्नेत
नेपाली कथानक चलचित्र चिसो मान्छे देशभर चलिरहेको छ । दिपेन्द्र के खनाल निर्देशित यो चलचित्र अर्ग्यानिक बेसमा निर्मित गरिएको छ । चलचित्रमा स्वस्तिमा खड्काको सशक्त अभिनयले आम दर्शकको मन जितेको छ । वरिष्ठ कलाकार देशभक्त खनालले स्वस्तिमाको ससुराको रोल प्ले गरेका छन् ।

यसमा देशभक्तको जोडदार अभिनयले मुवीलाई मार्गनिर्देश प्रदान गरेको छ । थिएटर बेसबाट उँदाएका अर्पण थापाको धमाकेधार एक्टिङले कथामा दर्शकलाई बाध्न सफल सिद्ध भएको छ । यही ३ पात्रको सेरोफेरोमा पुरै चलचित्रको अन्तर कुन्तर लुकेको छ ।

ADVERTISEMENT

कोरोनाकालको विशेषगरी लकडाउँनको समयलाई चलचित्रले कथाको कन्सेप्ट बनाएँको छ । खाडी मुलुक, बाजुरा, काठमाडौंभित्रका घटनाक्रम चलचित्रले गहन रुपमा उठाएँको छ ।
जब, चलचित्र हलको पर्दामा शुरु हुन्छ । रातो बाकसभित्र चिसो मान्छे अटाउँछ । यही रातो बाकसभित्रको चिसो मान्छे खाडी मुलुकबाट काठमाण्डौं उत्रिन्छ । चिसो मान्छे मतलब मरेको मान्छे ।

देशभक्तका छोरा अर्थात स्वस्तिमाका श्रीमान्को लास कोरोनाको समयमा खाडीबाट काठमाडौं आईपुग्छ । जुन समयमा विश्वभरि लकडाउन लागेको हुन्छ । यसमा नेपाल अछुतो हुने कुरै आएँन ।
यही लास आएको खबर बाजुरामा पुग्छ । तत्कालै वुवा देशभक्त, श्रीमती स्वस्तिमा अनि चालक अर्पण काठमाण्डौं हानिन्छन् । बाजुराबाट काठमाडौं पुगेका अनि काठमाडौंबाट बाजुरा फर्केको घटनाक्रम नै चलचित्रको जान हो ।
चलचित्रभित्र दुःखका अनगिन्ती आरोह अवरोह, जीवनका विविध उतारचढावहरुलाई निर्देशक दिपेन्द्रले बडो मिहिनेतका साथमा प्रस्तुतिमा कलात्मक ढंगले पस्केका छन् । यसमा दिपेन्द्रको क्षमताको तारिफ गर्नेपर्छ । यिनी ऐतिहासिक रुपमा सफल पशुपति प्रसादका मुवी मेकर समेत हुन् ।
चलचित्र हेरुन्जेल कहीँकतै दर्शकलाई बोर फिल हुदैन । सतप्रतिशत राम्रो मुवी बनेको छ । पैसा वसुल निश्चित रुपमा हुन्छ ।