विराटनगर, कार्तिक १८
निरज बस्नेत
मोरङ–५ का राप्रपाका उम्मेदवार रेवत बहादुर थापाको विराटनगर केन्द्रित आक्रमक चुनावी प्रचार–प्रसारले तीव्रता पाएको छ । विराटनगर–१५ हाडताली चोकमा शुक्रवार चुनावी सभालाई सम्वोधन गर्दे थापाले भ्रष्टाचारको मूल जरालाई आफूले उखेल्ने प्रण मतदातामाझ गरेका छन् । जसको लागि मंसीर–४ को चुनावमा अत्यधिक मतले विजयी गराउन सवैलाई आग्रह गरे ।
भ्रष्टाचार विरोधी नेताकै छवि बनाएका थापालाई सवैमिली मत हालेर साथ दिने यस हाडताली हाटका मतदाताले कार्यक्रममा वाचा समेत गरेका छन् । कार्यक्रममा सयौंको संख्यामा मानिसहरुको उपस्थिती रहेको थियो ।
३२ बर्ष नेपाल प्रहरीमा जागिर खाई देश जनताको पक्षमा पवित्र मनले सेवा गरेका थापा आफैं समाजसेवाको क्षेत्रमा आफ्नै कर्मले सधै एककदम अगाडी रहदै आएका छन् । कसैको पनि दुःख हेर्न नसक्ने थापा मनकारी सवभावका छन् ।
विराटनगर–१५ मा रहेको विराटनगरको शानको रुपमा रहदै आएको जुटमिल उधोग आज ध्वस्त झै रहेको छ । यसको मुख्य जिम्मेवार ठूला भनिएका दलहरुनै हुन् । सवैमिली यसलाई बेची खाने भाँडो बनाएँ । यसप्रति सम्झिदा समेत थापाको मन भक्कानिन्छ ।
यी यावत् कैयन् समस्याको चाङ आज विराटनगर–१५ मा जस्ताको तस्तै छ । वि.स. २०१९ को त्यो वेलाको विराटनगर–१५ मा आउँदाको पलहरु समेत थापाले कार्यक्रममा मन्तव्य राख्ने क्रममा स्मरण गरे । मोरङ–५ अन्र्तगत विराटनगरका वडा न. १३ देखी १८ सम्म पर्छ । आज विराटनगर–१५ मा कार्यक्रम भएको छ । आगामी दिनहरुमा, विराटनगर केन्द्रित अन्य वडाहरुमा समेत चुनावी प्रचार–प्रसारले तीव्रता पाउने कुराको जानकारी थापाले दिएका छन् ।
