विराटनगर, कार्तिक २२
निरज बस्नेत
विराटनगरमा रहेको कोशी हस्पिटलमा चरम बेथिति देखिएको छ । अस्पतालभित्र कार्यरत स्वास्थ्यकर्मी नै अस्पताल डुबाउने खेलमा लागेको पाईएको छ ।
यतिसम्म घृणित मनसाय बोकेका छन्, की, आफैं, भित्र आएका विरामीलाई बाहिरका महँगा हस्पिटल पुर्याउँछन् । राती ९ बजे पश्चात् कोशी हस्पिटलमा आएका दर्जनौं विरामीलाई स्वास्थ्कर्मीकै संलग्नतामा चर्को शूल्क असूल्ने अन्य प्राईभेट अस्पतालमा पुर्याउँछन् ।
यो कालो कर्तुत दिनमा पनि हुन्छ । प्रदेश १ को प्रतिष्ठाको रुपमा हेरिएको भने तापनि यसलाई भित्रैकाले खोक्रो बनाईसक्दा समेत तै चुप मै चुपको साजिसपूर्ण नाटक मन्चन हुदैछ । अझ महत्वपूर्ण उपकरणहरु समय–समयमा विग्रिरहने अनि समयमा मर्मत पनि नगरिने परिपाटीले आम जनता गहिरो मारमा पर्दे आईरहेका छन् । भित्रको आकस्मिक कक्ष कहालीलाग्दो भद्रगोल अवस्थामा छ ।
