विराटनगर, मंसिर २१
विराट एक्स्पो स्थलसम्म पुग्न आयोजक समितिले विभिन्न ठाँउबाट निःशुल्क बस संचालन गर्ने भएको छ । मंसिर २९ गतेदेखि विराटनगर १४ स्थित डिग्री क्याम्पसको मैदानमा अयोजना हुने विराट एक्स्पोमा पुग्न सात वटा निशुल्क बस संचालन गरिने भएको हो ।
आयाेजक कमिटीका प्रचारप्रसार संयोजक नन्द किशोर राठीका अनुसार विराटनगरको बजारक्षेत्र, बरगाछि, हाटखोला, जोगवनी, कटहरी गाउँपालिका, सुनसरीको दुहवीमा निःशुल्क बस सेवा संचालन गरिने छ । उक्त बस सेवा मेला अवधिभर बिहानको १० बजे देखि रातिको ८ बजेसम्म संचालन हुने बताईएको छ ।
अवलोकनकर्ताले बस चढेपछि एकैपटक मेलास्थलमा मात्र रोकिने छ ।
