निरज बस्नेत
धरान, सुनसरी, बैशाख १३
नेपालको सुन्दर नगरी सुनसरीको धरानमा रहेर विगत लामो समयदेखी कलाकारिता फिल्डमा रहेर ख्याती कमाउँदै आइरहेका कलाकारको नाम हो विनोद रसाइली ।
नाम विनोद भएतापनि यिनी धरानभरि जुरेली नामले चर्चित छन् । यिनै जुरेली ब्यानरमा बनेको चलचित्र प्रभु कति महान् , को प्रिमियर शो धरानको सैनिक भवनमा सोमवार सम्पन्न भएको छ ।
विहान ११ बजे र दिउँसो ४ बजेको गरी २ शो मा उक्त चलचित्र देखाइएको थियो । चलचित्रले २०३० सालको प्रसंग उठाएको छ । यस समयमा नेपालमा क्रिश्चियन धर्मलाई हेपाहा प्रवृतिले हाम्रो समाजमा हेरिन्थ्यो ।
कालान्तरमा नेपालमा २०४७ सालमा बहुदलीय व्यवस्था आएपछि यस धर्मप्रति रहँदै आएको थिचोमिचोको अन्त्य भएको कुरा उक्त चलचित्रमा देखाइएको छ । चलचित्र हेर्न भनेर सैनिक भवनमा थेगिनसक्नु दर्शकहरु आएका थिए ।
धरानमा रहेर जुरेली आफैमा एउटा ब्राण्ड नै स्थापित भइसकेको छ । यसलाइ यस चलचित्रबाट जुरेलीले अझबढ्ता मिहिनेतका साथ दर्शक रिझाएका छन् ।
चलचित्रको लेखन अनि निर्देशकको पाटो कलाकार प्रकाश लिम्वूले सम्हालेका छन् । चलचित्र राम्रो बनेको छ ।
